Mədəniyyət

Bakıda görkəmli tarzən Ramiz Quliyevin xatirəsinə həsr olunmuş konsert keçiriləcək

26 Aprel 2026 19:05

Baxış: 764

VTB-də minimal faiz dərəcəsi ilə nağd kredit 9.9%-dən

#MƏDƏNİYYƏT

Bakı şəhərində görkəmli tarzən, Xalq artisti Ramiz Quliyevin xatirəsinə həsr olunmuş konsert təşkil olunacaq.

Milli.Az xəbər verir ki, Müslüm Maqomayev adına Azərbaycan Dövlət Akademik Filarmoniyasında 30 aprel saat 19:00-da keçiriləcək anım gecəsi Nadir Events tərəfindən təşkil edilir. Tədbir milli musiqi sənətinin ustadının 79 illik yubileyinə həsr olunub.

Konsertdə Qara Qarayev adına Azərbaycan Dövlət Kamera Orkestri dirijor, Əməkdar artist Eyyub Quliyevin (sənətkarın oğlu) rəhbərliyi ilə çıxış edəcək. Həmçinin "Buta" instrumental ansamblı (bədii rəhbər - Rövşən Qurbanov) səhnə alacaq.

Proqramda tanınmış ifaçıların çıxışları nəzərdə tutulub - Xalq artistləri Nazakət Teymurova (xanəndə), Azər Zeynalov (vokalist), Ənvər Sadıqov (qarmon ifaçısı), Əməkdar artistlər Ramil Qasımov (vokalist), Sahib Paşazadə (tar ifaçısı), Emil Əfrasiyab (caz ifaçısı), həmçinin Təyyar Bayramov, İlkin Əhmədov, Elnur Zeynalov, Ehtiram Hüseynov (xanəndə), eləcə də Səxavət Məmmədov (tar ifaçısı) və Kəmalə Nəbiyeva (xanəndə).

Konsert milli musiqi ənənələri ilə müasir ifaçılıq sənətini birləşdirən mühüm mədəni hadisə kimi yadda qalacaq və Ramiz Quliyevin zəngin yaradıcılıq irsinə ehtiram ifadəsi olacaq.

İnformasiya dəstəyi - Trend.Az, Day.Az, Milli.Az