Mədəniyyət

Azdramada Onore de Balzakın “Atılmış qadın” əsəri əsasında eyniadlı tamaşanın məşqlərinə başlanılıb - FOTO

16 Aprel 2026 20:56

Baxış: 616

VTB-də minimal faiz dərəcəsi ilə nağd kredit 9.9%-dən

Akademik Milli Dram Teatrında Onore de Balzakın "Atılmış qadın" əsəri əsasında eyniadlı tamaşanın məşqlərinə başlanılıb.

Milli.Az xəbər verir ki, Akademik Milli Dram Teatrının direktoru, əməkdar mədəniyyət işçisi İlham Əsgərov tamaşanın yaradıcı heyəti ilə görüşüb, onları yeni səhnə əsərinin məşqlərinə başlanılması münasibətilə təbrik edib, uğurlar arzulayıb.

Tamaşanın quruluşçu rejissoru xalq artisti Mərahim Fərzəlibəyov, tərcüməçisi və səhnələşdirəni Kənan Hacı, səhnə tərtibatçısı Samirə Həsənova, geyim üzrə rəssamı Aygün Mahmudova, musiqi tərtibatçısı Kamil İsmayılov, işıq üzrə rəssamı Rafael Həsənov, rejissor assistenti Könül Kərimovadır.

Yeni səhnə əsərində xalq artistləri Məleykə Əsədova, Əli Nurzadə, əməkdar artistlər Elşən Cəbrayılov, Mətanət Atakişiyeva, aktyorlar Şəhla İsmayılova, Güney Əkbərova, Nicat İsgəndərov, Fərid Qarayev, tələbələr Nihad Aslan, Samirə Xanlarova, Əli Nurzadə iştirak edirlər.

Onore de Balzakın "Atılmış qadın" əsəri sevgi haqqında həssas psixoloji dramdır. Tamaşa sosial nüfuzu yüksək olan, ərindən qalmaqallı formada ayrılan, daha sonra vilayətdə tənha yaşayan aristokrat qadın - Vikontessa de Bosseanın kədərli taleyindən bəhs edir. Onun yeganı günahı sevgiyə həddindən artıq inanması idi.

İnformasiya dəstəyi - Trend.Az, Day.Az, Milli.Az