İdman

"Arsenal"ın əfsanəvi qapıçısı faciəvi şəkildə həyatını itirdi

16 Aprel 2026 22:07

Baxış: 1 276

VTB-də minimal faiz dərəcəsi ilə nağd kredit 9.9%-dən

#ARSENAL

Müasir futbolun ən intizamlı qapıçılarından biri hesab olunan Aleks Manninger vətəni Avstriyada keçirdiyi dəhşətli yol qəzası nəticəsində 48 yaşında vəfat edib.

Milli.Az xəbər verir ki, Manningerin idarə etdiyi avtomobil nəzarətsiz dəmiryolu keçidində qatarla toqquşub. Sabiq qapıçı hadisə yerindəcə keçinib.

1997-ci ildə Arsen Venger tərəfindən "Arsenal"a transfer edilən Manninger əfsanəvi David Simanın ehtiyat qapıçısı kimi Londona gəlmişdi. Lakin onun karyerası qısa müddətdə qızıl hərflərlə tarixə düşdü:

1997-98 mövsümündə Simanın zədəli olduğu vaxtda qapını qoruyan Manninger ard-arda 6 oyunda qapısını toxunulmaz saxlayaraq "Arsenal"ın həm Premyer Liqa, həm də FA Kuboku çempionluğunda həlledici rol oynadı.

"Mançester Yunayted" üzərində qazanılan 1-0-lıq tarixi qələbədə göstərdiyi performans "Arsenal" azarkeşləri tərəfindən heç vaxt unudulmadı.

Manninger karyerası ərzində "Arsenal"dan başqa bir çox nəhəng klubların şərəfini qoruyub:

"Yuventus" (Seriya A çempionu), "Fiorentina", "Torino", "Siena".

"Liverpul" və "Auqsburq".

Avstriya yığmasında 33 oyun keçirib, 1998 Dünya Kuboku və Avro-2008 heyətlərində yer alıb.

2017-ci ildə "Liverpul"da karyerasını bitirdikdən sonra Manninger səs-küylü həyatdan uzaqlaşmışdı. O, əsl peşəsi olan dülgərliyə qayıtmış və Avstriyada evlərin bərpası ilə məşğul olan öz biznesini qurmuşdu.

Lalə Qüdrətova
Milli.Az