Dünya

Tramp şikayətləndi: Uşağını məndən çox sevir, qəzəbliyəm

22 Avqust 2026 11:58

Baxış: 2 328

VTB-də minimal faiz dərəcəsi ilə nağd kredit 9.9%-dən

#MARAQLI #ABŞ #DONALD TRAMP

ABŞ Prezidenti Donald Tramp Ağ Evin mətbuat katibi Karolin Levittin vəzifəsindən ayrıldıqdan sonra da onun komandasında fəaliyyətini davam etdirəcəyini açıqlayıb.

Milli.Az xarici mətbuata istinadən xəbər verir ki, Donald Tramp bu barədə Mirtl-Biçdə keçirilən tədbirdə çıxışı zamanı danışıb.

Prezident tədbir zamanı Karolin Levittini səhnəyə dəvət edib və onun fəaliyyətinə görə təşəkkürünü bildirib. Tramp Levittin yaxın zamanda ana olmasına da toxunaraq zarafat edib.

"O, təzəlikcə uşaq dünyaya gətirib və mən yalnız indi öyrəndim ki, o, uşağı Donald Trampdan daha çox sevir və mən buna çox qəzəbliyəm", - deyə ABŞ Prezidenti bildirib.

Karolin isə öz növbəsində Donald Trampa təşəkkür edib. O, Ağ Evin mətbuat katibi kimi çalışmasını "ən böyük şərəf" adlandırıb.

Qeyd edək ki, Karolin Levitti avqustun əvvəlində Ağ Evin mətbuat katibi vəzifəsindən ayrılmaq niyyətində olduğunu açıqlamışdı. O, qərarını ailəsi və övladları ilə daha çox vaxt keçirmək istəyi ilə izah etmişdi.

Daha sonra o, Ağ Evdəki fəaliyyətini başa vurduqdan sonra Donald Trampın siyasi fəaliyyəti ilə əlaqəli "MAGA Inc." super siyasi fəaliyyət komitəsində (Super PAC) çalışacağını bildirmişdi.

Müəllif: Tural Hüseyn (Milli.Az redaktor)