Ölkə

Bu avtobusun hərəkət istiqaməti dəyişdirilir

22 Avqust 2026 12:59

Baxış: 291

VTB-də minimal faiz dərəcəsi ilə nağd kredit 9.9%-dən

#AVTOBUS #İCTİMAİ NƏQLİYYAT

M6 nömrəli ekspres marşrutunun hərəkət sxemində dəyişiklik edilir.

AYNA-dan Milli.Az-a bildirilib ki, vətəndaş müraciətləri nəzərə alınaraq və aparılan təhlillərə əsasən, metronun "Elmlər Akademiyası" və "Gənclik" stansiyaları arasında fəaliyyət göstərən M6 nömrəli ekspres marşrutunun hərəkət sxemində dəyişiklik ediləcək.

Metronun "Koroğlu" stansiyasından "Elmlər Akademiyası" və "Nizami" stansiyaları istiqamətində sərnişin tələbatının qarşılanması məqsədilə avqustun 24-dən M6 nömrəli ekspres avtobuslar "Nizami"metrostansiyasından keçəcək və aralıq dayanacaq olaraq burada saxlayacaq. Ekspres marşrut xətti uzadılaraq son dayanacaq məntəqəsi "Koroğlu" metrostansiyası təyin ediləcək. Bununla da M6 nömrəli ekspres marşrutu "Koroğlu", "Gənclik", "Nizami" və "Elmlər Akademiyası" stansiyalarını əlaqələndirəcək.

Müəllif: Tural Hüseyn (Milli.Az redaktor)