Mədəniyyət

“VARİS” filmi "Park Cinema"da təqdim olundu - FOTO

6 Mart 2026 14:05

Baxış: 1 643

VTB-də minimal faiz dərəcəsi ilə nağd kredit 9.9%-dən

#MƏDƏNİYYƏT #FİLM

05.03.2026 tarixində Park Cinemanın yeni Sevinc Mall filialında VLG.FILM AZERBAIJAN dəstəyi ilə Qlen Pauellin baş rol aldığı çox həyəcanlı "Varis" filminin təqdimatı və Press nümayişi baş tutdu.

Milli.Az xəbər verir ki, tədbirdə üstünlük yerli media nümayəndələrinə həmçinin blogerlərə verilmişdi. Qonaqlar tədbirin əsas hissəsində iştirak etdikdən sonra VLG.FILM AZERBAIJAN nümayəndəsi Cəmilə Atakişiyeva ilə birlikdə ilk dəfə filmi izlədilər. Film barədə bir qədər məlumatı diqqətinizə çatdırırıq:

Dəbdəbəli malikanələr, şəxsi təyyarələr və özəl adalar - "Redfellow" klanının milyardlarla ölçülən sərvəti uğrunda təhlükəli oyun başlayır. Ailənin başçısı tərəfindən hələ doğulmamışdan əvvəl rədd edilən Bekket bu mirasa sahib olmaq istəyir, lakin onun qarşısında yeddi varlı varis dayanır. Arzusuna çatmaq üçün Bekket ailə ağacının bəzi "budaqlarını" kəsməyə qərar verir və bunu cəzasız qalacaq qədər cəsarətli və ixtiraçı planlarla həyata keçirməlidir.

Qonaqlar filmi izlədikdən sonra onun çox cəlbedici, həyəcanlı və son anına kimi filmin necə bitəcəyini bilmədiklərini qeyd etdilər.

"Varis" filmi hazırda həm ingilis həm də rus dillərində və Azərbaycan altyazıları ilə Park Cinema kinoteatrlar şəbəkəsində nümayiş olunur. Biletlərinizi aşağıdakı linkə keçid edərək, əldə edə bilərsiniz:

https://new.parkcinema.az/az/movie/6992c4def9d3e06d1ae5c886