Aktyor Zaur Şəfiyevin Milli.Az-a müsahibəsi.
- Zaur bəy, aktyor təhsilinizi harada almısınız?
- Mən aktyor təhsili almamışam. Universitetin beynəlxalq münasibətlər fakültəsini çətinliklə də olsa, bitirmişəm (gülür). Bundan əlavə, Rüstəm İbrahimbəyovun kino məktəbində kinoprodüser fakültəsində oxumuşam və elə o vaxtdan da onun İbrus Teatrında aktyor işləməyə başlamışam. Uşaqlıqdan, yəqin ki, 10 yaşımdan aktyor olmağı arzulamışam və oldum da.
- Özünüzü teatr aktyoru kimi ilk dəfə hansı rolda sınadınız?
- İlk rolum Rüstəm İbrahimbəyovun Molyerin "Tartüf" pyesi əsasında Azərbaycan adına uyğunlaşdıraraq səhnəyə qoyduğu tamaşada olub. Rolum kiçik idi, tamaşanın axırında səhnəyə çıxırdım.
- Çox maraqlıdır, sizin haqqınızda niyə bu qədər az məlumat var?
- Qapalı insan deyiləm, sadəcə olaraq, bir o qədər də tanınmıram. Ona görə də haqqımda informasiya azdır. "Populyarlıq qorxusu" ifadəsini aktyorlara aid etmək düzgün olmaz. Bu sənət axı özündə nəinki bu sahədə işləməyi, həm də məşhurlaşmağı daşıyır. Məncə, özü haqda belə deyən aktyorlar yalan danışırlar.
- Haradasa fotomodel kimi fəaliyyət göstərmisiniz? Ən azından, xarici görkəminiz buna imkan verir...
- Xarici görkəmimi və aktyorluğumu belə yüksək qiymətləndirdiyinizə görə çox sağ olun. Amma siz, məncə, şişirdirsiz (gülür). Mən hələ ki, bir aktyor kimi arzuladığım səviyyəyə çatmamışam. Özümü istedadlı aktyor adlandırmağa cürət etmərəm. Sadəcə olaraq, bir qədər potensialı olan aktyoram. Və belə deməyim təvazökarlıqdan deyil, həqiqətən, belə düşünürəm. Xarici görkəmimə qalanda isə özümü heç vaxt yaraşıqlı hesab etməmişəm, model olmağı da arzulamamışam.
- Səhv etmirəmsə, "Qorxma, mən səninləyəm-2" filmində də çəkilmisiniz. Məlumat verə bilərsiniz?
- "Qorxma, mən səninləyəm-2" filmində gənc zabiti, Polad Bülbüloğlunun canlandırdığı deputat və bəstəkar Teymur Məmmədbəyovun oğlunu oynayırdım. Filmin süjet xətti haqqında isə yaxşısı budur, heç nə deməyim. İnşallah, yaxınlarda filmin təqdimatı olacaq, onda hər şeyi özünüz görərsiz.
- Daha sonra hansı filmlərdə çəkilmisiniz?
- Filmoqrafiyam qısadır. Murad İbrahimbəyovun "Qardaşdan yaxşısı yox imiş", Rusiyanın NTV telekanalının sifarişi ilə çəkilən 4-seriyalı "Biz sizə müharibə elan edirik" filmində və "Qaranlıqlar çiçəyi" serialında çəkilmişəm. Hazırda "Sirr" serialında çəkilirəm. Bir neçə dəfə də qısametrajlı filmdə çəkilmişəm. Onlardan biri ilə Kann Kinofestivalında da iştirak etmişəm.
- Necə düşünürsünüz, rejissorlar sizi daha çox xarici görkəminizə görə filmlərə dəvət edirlər, yoxsa istedadınıza görə?
- İnanmaq istərdim ki, rejissorlar məni filmlərinə görünüşümə deyil, aktyorluq qabiliyyətimə görə dəvət edirlər. Amma əlbəttə ki, xarici görkəmi də saya salmamaq olmaz.
- Mənimlə razılaşa bilərsinizmi ki, indiki rejissorlar daha çox aktyorun xarici görünüşünə fikir verirlər?
- Razılaşmıram. Sözsüz ki, biz özümüz haqda hər hansı fikri görünüşümüzlə yaradırıq. Amma öz filminin aqibətini düşünən rejissor belə qeyri-peşəkar addım atmaz və rolları "qara qaşa, qara gözə" paylamaz.
- Facebook-da sizdən daha çox nə haqda soruşurlar?
- Facebook... Bəli, mən tez-tez oluram Facebook-da. Əsasən həyatda tanıdığım adamlarla danışıram. Hərdən tanımadıqlarım da olur. Mənə qarşı münasibət normaldır. Çox vaxt çəkilişlərim barədə soruşurlar. Elə olur, sadəcə salamlaşır, uğurlar arzulayırlar. Çalışıram, hamıya cavab yazım. Amma bir neçə dəfə xoşagəlməz hadisə də olub.
Əli Novruzəliyev
Milli.Az
Mədəniyyət
Azərbaycanlı aktyor: "Aqibətini düşünən rejissor belə qeyri-peşəkar addım atmaz..." - FOTOSESSİYA
10 Avqust 2012 03:30
13 Şərh
Baxış: 15 982
DİGƏR XƏBƏRLƏR
- AFW ekoloji təmiz modaya dəstək olaraq müsabiqə keçirdi - FOTO
- Azərbaycanda iki teatra yeni status verildi
- Bakıda “Azərbaycan milli mətbəxi” adlı rəsm sərgisi keçiriləcək
- AFW çərçivəsində dizaynerlər milli dəyərlərini təqdim edəcək
- Cahangir Cahangirov adına Xorun “Ver sözə ehya” adlı konsert proqramı keçirildi - FOTO
- İkinci Bakı Müasir Musiqi Günləri keçiriləcək – FOTO
XƏBƏR LENTİ
- Yapon milyarder “Facebook”u məhkəməyə verdi: Təzminat tələb edir
- Yerkökü xərçəng riskini azalda bilər
- 53 yaşlı model açıq-saçıq geyimi ilə heyran qoydu - FOTO
- Kolon xərçənginə səbəb olan iki əsas amil
- Castinin arvadından hamiləlik FOTOları
- Tatoyan təsdiqlədi: Ermənistana “keçən” 25 hektar ərazi…
- Tiflisdə yenidən etiraz aksiyası keçirilir
- "Qorxma, mən səninləyəm"in qəhrəmanları bir arada - FOTO
- Günün qoroskopu: Uzun söhbətlərə baş qoşmayın
- Avstriya daxili işlər naziri çıxışında səhv etdi: Onları güllələmək lazımdır!
- Labrador itlərində allergiya növləri və qarşısının alınması
- "Anadolu Ankası – 2024" təliminin "Yüksək Səviyyəli Müşahidəçi Günü" keçirilib - VİDEO - FOTOlar
- Bakıdakı bu yaşayış binaları SÖKÜLƏCƏK - Artıq hər şey hazır: Ünvandan görüntülər - FOTO
- Məşhur serialın ikinci mövsümü bu tarixdə yayımlanacaq
- Ukrayna Xarkovu itirə bilər? – Zelenski çağırış etdi
- İlon Mask: “ABŞ-nin siyasəti İran, Çin və KXDR-i Rusiya ətrafında birləşdirir”
- Ərdoğan Kobaxidze ilə PKK və FETÖ-nü müzakirə etdi
- Dünyanın ən çox qazanan 10 idmançısı - “Forbes”in versiyası
- Prezident: Belarus şirkətlərini azad olunmuş ərazilərin bərpası prosesinə fəal qoşulmağa dəvət edirik - TAM MƏTN
- Kadırov bu ölkəyə raket zərbəsi endirməyə çağırdı
- Hizbullah İsrailə rekord sayda raket atdı
- Azərbaycanlı şairin son durumu açıqlandı - FOTO
- Arzuları yerinə yetirən sehirli ot – Zəncirotu barədə bilmədiklərimiz
- Yanacaq filtrinin tutulmasının əlamətləri nələrdir?