Kulinariya

Sən demə, illərdir qabartma tozundan səhv istifadə edirmişik

1 May 2026 07:07

Baxış: 450

VTB-də minimal faiz dərəcəsi ilə nağd kredit 9.9%-dən

#KULİNARİYA

Bir çox ev xanımı və aşpaz qabartma tozunu unla qarışdırmağın kifayət olduğunu düşünsə də, elmi faktlar tamamilə başqa məqamları göstərir.

Milli.Az qabartma tozundan istifadə edərkən yol verilən əsas səhvlər və mükəmməl nəticənin sirrini təqdim edir:

Bir çox reseptdə qabartma tozu unla birlikdə qarışığa erkən daxil edilir. Lakin kimyaçı mütəxəssislər xəbərdarlıq edir:

Qabartma tozunun tərkibindəki natrium-bikarbonat və turşular maye ilə təmas etdiyi an reaksiya başlayır və karbon qazı istehsal olunur.

Əgər xəmiri sobaya qoymazdan əvvəl çox gözlətsəniz, həmin qabarcıqlar sönər və nəticədə içi xəmir qalmış, basıq bir keks alınar.

Qabartma tozunu əlavə etdikdən sonra xəmiri həddindən artıq çalmayın və vaxt itirmədən öncədən isidilmiş sobaya qoyun.

Qabartma tozunu birbaşa pakatdən tökmək böyük səhvdir.

Tozun xəmirin hər tərəfinə bərabər (homogen) paylanması üçün un və kakao kimi quru inqrediyentlərlə birlikdə ən azı iki dəfə ələnməlidir.

Bu, keksin ortasının çökməsinin qarşısını alır və hər tərəfinin eyni səviyyədə qabarmasını təmin edir.

Qabartma tozu nəmə və yüksək istiliyə qarşı çox həssasdır. Onu ocağın yanında və ya nəm şkaflarda saxlamaq olmaz, çünki bu zaman öz aktivliyini itirir.

Qabartma tozunun hələ də yararlı olub-olmadığını öyrənmək üçün yarım çay stəkanı qaynar suya bir çay qaşığı toz tökün. Əgər dərhal güclü bir köpüklənmə baş vermirsə, deməli, o paketi atmağın vaxtı gəlib.

Mükəmməl, "bulud kimi" bir keks üçün kimyəvi reaksiyanın sobanın daxilində başlaması və ya orada davam etməsi şərtdir.

Lalə Qüdrətova
Milli.Az