İdman

Kriştiano Ronaldo: "Karyeramın sonu yaxınlaşır..."

30 Aprel 2026 23:41
Baxış: 389
VTB-də minimal faiz dərəcəsi ilə nağd kredit 9.9%-dən
#KRİŞTİANU RONALDU

​Dünya futbolunun canlı əfsanəsi Kriştiano Ronaldo "Canal GOAT" kanalına verdiyi müsahibədə gələcək planları və hazırkı hissləri ilə bağlı səmimi açıqlamalar verib.

Milli.Az xəbər verir ki, hazırda Səudiyyə Ərəbistanının "Əl-Nəsr" klubunda çıxış edən ulduz futbolçu, karyerasının son mərhələsinə qədəm qoyduğunu etiraf edib.

​Ronaldo yaşından asılı olmayaraq futbola olan ehtirasının dəyişmədiyini bildirib:

​"Karyeramın sonu getdikcə yaxınlaşır... Gəlin hər oyundan zövq alaq. Mən təkcə bu nəsil üçün deyil, həm əvvəlki, həm də gələcək nəsil üçün oynamağa davam edirəm. Karyeramın sonuna yaxınlaşsam da, gündən-günə, oyundan-oyuna və ildən-ilə bundan həzz alıram. Bu, bir reallıqdır."

​Portuqaliyalı ulduz fərdi uğurlardan daha çox komanda qələbələrinə önəm verdiyini vurğulayıb. 

​Ronaldo karyerasının möhtəşəm olduğunu və bunu bu şəkildə davam etdirmək istədiyini qeyd edib.

​O, hələ də qollar vurmağa davam etdiyini və bundan böyük həzz aldığını deyib.

​Lakin bütün bunlardan önəmli olanın qələbə qazanmaq olduğunu bildirən Ronaldo "Biz həqiqətən liqa çempionu olmaq istəyirik" - sözləri ilə hədəfini açıqlayıb.

​Karyerası boyunca "Sportinq", "Mançester Yunayted", "Real Madrid" və "Yuventus" kimi nəhəng klublarda saysız-hesabsız rekordlara imza atan hücumçu futbol dünyasına hələ də verəcəyi çox şeyin olduğunu sübut etməyə çalışır. (Offsideplus.az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.