Sağlamlıq

100 yaşını aşanların ortaq sirri: Hər gün bir fincan...

30 Aprel 2026 20:39
Baxış: 539
VTB-də minimal faiz dərəcəsi ilə nağd kredit 9.9%-dən
#SAĞLAM QİDA

"Blue Zones" layihəsinin qurucusu Dan Buettnerin qeyd etdiyinə görə, Mavi zonalarda (Okinava, Sardiniya, İkariya kimi yerlər) yaşayan insanlar digər cəmiyyətlərlə müqayisədə ən azı dörd qat daha çox lobya istehlak edirlər.

Milli.Az xəbər verir ki, lobya qida dəyəri baxımından "super qida" hesab olunur. Onun tərkibi sağlamlıq üçün ideal balansa malikdir:

Tərkibinin təxminən 21%-i proteindir.

77%-i kompleks karbohidratlardan ibarətdir. Bu, rafinə edilmiş şəkərin əksinə, bədənə qəfil enerji yükləməsi etmir, enerjini gün ərzində balanslı şəkildə paylayır.

Lobyanın tərkibindəki yüksək lif miqdarı bağırsaq mikroflorası üçün həyati əhəmiyyət kəsb edir.

Liflər bağırsaqlardakı faydalı bakteriyaları qidalandıraraq immuniteti gücləndirir.

Yüksək lif və protein birləşməsi insanı uzun müddət tox tutur, bu da çəki nəzarətini asanlaşdırır və piylənmə riskini azaldır.

Dan Buettner sağlam və uzun bir ömür üçün mürəkkəb pəhrizlərə ehtiyac olmadığını, sadəcə dayanıqlı və təbii vərdişlərin vacibliyini vurğulayır. O, hər kəsə gündə ən azı yarım fincan bişmiş lobya istehlak etməyi tövsiyə edir.

"Mavi zonalarda yaşayanların həyat tərzi göstərir ki, lobya kimi sadə və əlçatan bir qida sağlam yaşlanmanın ən mühüm açarıdır."

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.