Mədəniyyət

Ramil Qasımov və Azər Zeynalov "O olmasın, bu olsun" tamaşasında - VİDEO

4 Mart 2024 17:59

Baxış: 1 102

VTB-də minimal faiz dərəcəsi ilə nağd kredit 9.9%-dən

#VİDEO

Martın 6-da Bakı Musiqi Akademiyası nəzdində Opera studiyasında Üzeyir Hacıbəylinin "O olmasın, bu olsun" tamaşası nümayiş olunacaqdır.

Üzeyir Hacıbəylinin yaradıcılığına məxsus ən populyar əsərlərdən biri olan "O olmasın, bu olsun" musiqili komediyası 1910-cu ildə qələmə alınmışdır. Tamaşanın premyerası 25 aprel 1911-ci ildə məhz Opera və Balet Teatrının binasında baş tutmuşdur. 2006-cı ildə Opera və Balet Teatrının rəhbərliyi yenidən bu ölməz əsərə müraciət etmiş, onu yeni quruluşda səhnəyə qoymuş və repertuara daxil etmişdir.

Əməkdar incəsənət xadimi Hafiz Quliyevin rejissoru olduğu tamaşada əsas rollarda Teatrın bir çox aparıcı solistləri - Xalq artistləri Azər Zeynalov (Məşədi İbad) və Əkrəm Poladov (Rüstəm bəy), Əməkdar artistlər Ramil Qasımov (Sərvər), Gülüstan Əliyeva (Sənəm), Cahangir Qurbanov (Qocu Əsgər), Ələkbər Əliyev (Həsənqulu bəy), Tural Ağasıyev (Rza bəy), solistlər Günel Hacıyeva (Gülnaz), Fəhmin Əhmədli (Həsən bəy), Xalıq Bəkirov (Hambal) və b. çıxış edirlər.

Tamaşanı Əməkdar incəsənət xadimi Sevil Hacıyeva idarə edəcəkdir.

Biletlər https://iticket.az/ru/events/concerts/not-that-so-this-oc241/110880

Milli.Az