Mədəniyyət

Elza Seyidcahan: “Yazıçılar Birliyi mənə ev versəydi...”

20 Noyabr 2023 23:38

Baxış: 1 356

#ŞOU-BİZNES #MƏDƏNİYYƏT

Azərbaycan Yazıçılar Birliyi (AYB) tərəfindən 21 nəfərə ev verilməsi müzakirələrə səbəb olub.

Həmin şəxslərin bir çoxunun katibələrdən, sürücülərdən, təsərrüfat işçilərindən, bir sözlə, texniki heyətdən ibarət olduğu vurğulanır.

Milli.Az bizim media-ya istinadla xəbər verir ki, Bəstəkarlar və Yazıçılar Birliyinin üzvü, Əməkdar artist Elza Seyidcahan məsələdən bixəbər olduğunu bildirib:

"Bu xəbəri ilk dəfə sizdən eşidirəm. Çox gözəl təşəbbüsdür. Buna görə isə təbii ki, Yazıçılar Birliyində çalışan hər birimiz Prezidentimiz İlham Əliyevə minnətdarlığımızı bildiririk. Bu bizim yaradıcılığımıza verilən böyük dəyər və qiymətdir".

Seyidcahan adının bu siyahıda olduğu halda evdən imtina edəcəyini vurğulayıb: "Düzdür, adım bu 21 nəfərin içində olmasa da, ev alan hər bir AYB ailəsinin üzvünə təşəkkürümü bildirirəm. Düşünürəm ki, əgər adım bu siyahıda olsaydı, mən o evi qəbul etməzdim. Baxmayaraq ki, hamı bilir ki, mənim də evə ehtiyacım var. Çünki AYB-yə yenicə üzv olmuşam. Mən o evi burada çalışan və illərlə külüng vuran digər sənətkarlara bağışlayardım. O evi götürməyə utanardım... Çox istərdim ki, Bəstəkarlar İttifaqının üzvlərinə də ev verilsin. Təbii ki, o ittifaqdan mənə ev verilsəydi, məmuniyyətlə götürərdim, çünki artıq uzun illərdir ki, oranın üzvüyəm".

Milli.Az