Mədəniyyət

Remi Jenyenin ifasında klassik musiqi və qaynar tanqo - VİDEO - FOTOlar

22 May 2022 10:08
Baxış: 988

Remi Jenyenin ifasında klassik musiqi və qaynar tanqo.
Bakı beynəlxalq piano festivalın ilk günü.

Müslüm Maqomayev adına Azərbaycan Dövlət Akademik Filarmoniyasında festivalın açılışından əvvəl Azərbaycanın mədəniyyət naziri Anar Kərimov, Fransanın Azərbaycandakı səfiri Zakari Qross və festivalın direktoru, Azərbaycanın Əməkdar artisti Şahin Növrəsli festivalın qonaqları qarşısında çıxış ediblər. Bakıda beynəlxalq piano festivalının keçirilməsinin və bu sahədə uğurlu beynəlxalq əməkdaşlığın vacibliyi qeyd edilib.

Festival Azərbaycanın Xalq Artisti Yalçın Adıgözəlovun dirijorluğu ilə Remi Jenye və Üzeyir Hacıbəyli adına Azərbaycan Dövlət Simfonik Orkestrinin ifasında klassik musiqi konserti ilə açılıb. Remi Jenye dünyada öz nəslinin ən maraqlı və axtarılan musiqiçilərindən biridir və Bethoven Beynəlxalq Piano Müsabiqəsinin tarixində ən gənc qalibdir. Bakıda o ilk dəfə səhnəyə çıxdı və Lüdviq van Bethovenin fortepiano və orkestr üçün "İmperator" adlı Beşinci Konserti tamaşaçıların qulaqbatırıcı alqışları ilə başa çatdı.

Gecə "Orange Groove"da beynəlxalq Zinnetango kvartetinin konserti ilə davam edib. Alovlandırıcı tanqo tamaşaçıları biganə qoymayıb. Gecədə diqqət çəkən məqam Azərbaycan rəqs duetləri İlham Osmanov və Alfiyə Sultanova, Kamran Babayev və Nərgiz Osmanova, Aleksey Anpilov və Lenay Seidalizadənin alovlu çıxışı olub.

Festival mayın 27-dək davam edəcək.
Festivalın şüarı: May piano inspire you!
Haştaqlar: #bakupianofest #bakupianofestival
Festivalın veb saytı: https://bakupianofestival.com/

İnformasiya dəstəyi - Trend.az, Day.az, Milli.Az, Azernews.az

Məqaləyə dair fotomateriallar:

İllik 14.5%-dən 30 000 manat zaminsiz komissiyasız kredit

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics