İdman

Toni Kroos: "Arda 11-də oynamalıdır"

22 Sentyabr 2026 14:56

Baxış: 1 839

VTB-də minimal faiz dərəcəsi ilə nağd kredit 9.9%-dən

#REAL MADRİD #FUTBOL #PRİMERA #REAL #ARDA GULER

Keçmiş məşhur almaniyalı ulduz futbolçu Toni Kroosun sözlərinə görə, türkiyəli futbolçu hazırda İspaniya klubunun ən yaxşı formada olan oyunçularından biridir.

Milli.Az-ın məlumatına görə, o, hesab edir ki, Arda göstərdiyi performansa görə daha çox qarşılaşmada start heyətində yer almalı və matçları sona qədər meydanda keçirməlidir.

Keçmiş yarımmüdafiəçi komandanın məşqçisinin futbolçuların hazırkı formasını nəzərə almalı olduğunu vurğulayıb. Onun fikrincə, yaxşı çıxış edən oyunçulara daha çox oyun vaxtı vermək onların ritm qazanmasına və özünəinamının artmasına kömək edə bilər.

Kroos Ardanın meydana daxil olduqdan sonra komandaya təsir göstərdiyini, buna baxmayaraq, bəzi matçlarda ehtiyatda qaldığını və ya yaxşı oynadığı vaxt əvəzləndiyini qeyd edib.

O, türkiyəli ulduzun artıq "Real Madrid"in əsas heyətində müntəzəm oynamağa layiq olduğunu bildirib. Kroosun fikrincə, Ardaya daha çox güvənilməsi onun həm fərdi ritmini, həm də komanda ilə əlaqəsini gücləndirə bilər.

Qeyd edək ki, Arda Güler bu mövsüm "Real Madrid"in əsas oyunçularından birinə çevrilərək diqqətçəkən çıxışları ilə gündəmə gəlir.

Müəllif: Tural Hüseyn (Milli.Az redaktor)