Kriminal

Hilal İsayev bıçaqlandı - Vəziyyəti ağırdır

27 May 2026 16:16
Baxış: 583
VTB-də minimal faiz dərəcəsi ilə nağd kredit 9.9%-dən
#HADİSƏ #KRİMİNAL #UKRAYNA

Ukraynanın Dnepropetrovsk vilayətinin Pyatixatki şəhərinin 61 yaşlı azərbaycanlı meri Hilal İsayev bıçaqlı hücuma məruz qalıb.

Milli.Az oxu.az-a istinadən xəbər verir ki, bu barədə focus.ua yerli polisə istinadən məlumat yayıb.

Məlumata görə, hadisə mayın 26-da səhər saatlarında baş verib.

Xəbərdə bildirilir ki, H.İsayev ağır vəziyyətdə xəstəxanaya yerləşdirilib. İlkin məlumata görə, o, sinə nahiyəsindən yaralanıb.

Hücum edən şəxs hadisə yerindən qaçıb və hazırda polis onu axtarır.

Yerli mətbuatın yazdığına görə, hücum edən şəxs fermer olub və hadisə merin kabinetində baş verib.

Xəbərdə bildirilir ki, azərbaycanəsilli Hilal İsayev Dnepr Dövlət Aqrar-İqtisad Universitetini bitirib. O, "Kaspi" adlı özəl kənd təsərrüfatı müəssisəsinə rəhbərlik edib, 2015-ci ildə isə Batkivşina partiyasından Dnepropetrovsk Vilayət Şurasının deputatı seçilib. 2019-cu ildə İsayev eyni partiyadan Ukrayna Ali Radaya namizəd olub, lakin seçilməyib. 2020-ci ildən Pyatixatki şəhərinin meri vəzifəsini tutur.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.