Kriminal

Qayınatanın qumbara atdığı gəlinin son durumu - yenilənib - FOTO

16 Fevral 2025 20:24

Baxış: 2 871

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL #AİLƏ

20:24

16.02.2025-ci il tarixində saat 16:40 radələrində partlayış nəticəsində xəsarət alması səbəbi ilə 1986-cı il təvəllüdlü (qadın cinsli) şəxs Goranboy Rayon Mərkəzi Xəstəxanasının Təcili Tibbi Yardım şöbəsinə hospitalizasiya olunub.

TƏBİB-dən Ajans.az-ın sorğusuna cavab olaraq bildirilib ki, ona bədənin çoxsaylı qəlpə yaraları diaqnozu təyin edilib.

Hazırda pasiyentin müalicəsi tibb müəssisəsinin Cərrahiyyə şöbəsində davam etdirilir. Vəziyyəti orta ağır olaraq qiymətləndirilir.

-----------
19:52

Gəlinin üzərinə partlayıcı maddə atmaqla ona xəsarət yetirən şəxs Goranboy rayonu Tapqaraqoyunlu kəndi ərazisində çobanlıq edib.

APA-nın yerli bürosunun xəbərinə görə, ehtimal olunur ki, həmin partlayıcı maddə müharibə qalıqları ilə çirklənmiş və təmizlənməyən yerdən tapılıb.

Hazırda hüquq-mühafizə orqanları cinayət əməlində şübhəli bilinən şəxsin dindirilməsini həyata keçirir.

--------
19:18

Xəbərə foto əlavə edilib.

----------
17:40

Goranboyda qumbara partlayıb.

Milli.Az-ın APA-ya istinadən verdiyi xəbərə görə, hadisə rayonun Qarasüleymanlı kəndində qeydə alınıb.

Qarasüleymanlı kəndində yaşayan 1957-ci il təvəllüdlü Namazov Zakir Mayıl oğlu gəlini 1986-cı il təvəllüdlü Aslanova Vəfa Şükür qızı ilə ailə münaqişəsi zəminində mübahisə edib və ona doğru əl qumbarası atıb.

Zərərçəkmiş şəxs xəstəxanaya yerləşdirib, vəziyyəti qənaətbəxşdir.

Faktla bağlı Goranboy Rayon Prokurorluğunda araşdırma aparılır.

Zakir Namazov iş üzrə şübhəli şəxs qismində saxlanılıb.

Milli.Az