Ölkə

Müharibə zamanı atası və dayısının qisasını alan şəhid Hüseyn Quliyev - VİDEO

13 Sentyabr 2021 19:54
1 Şərh     Baxış: 622

Vətən müharibəsində böyük şücaət göstərən qəhrəman hərbçilərimizdən biri də Hüseyn Quliyev olub.

Xezerxeber.az-ın məlumatına görə, Hüseyn Quliyevin arzusu Birinci Qarabağ müharibəsində itkin düşən dayısının və həmin savaşın iştirakçısı olan atasının qisasını almaq idi.

Tovuz rayonunun Dondar Quşçu kənd sakini  Hüseyn Quliyev üç  ay idi ki, müddətli hərbi xidmətə getmişdi.

Hüseynin yaşı az olduğu üçün komandirləri onu hər zaman arxa cəbhədə saxlamağa çalışsa da, o həmişə inadı ilə hücum əməliyyatlarında iştirak edib. Atasına dayısının qisasını aldığını bildirib, "Hadrut azaddır!" deyib və sonra atasından halallıq istəyib.

Uşaq vaxtından hərbi geyimlərə və bayrağa xüsusi sevgisi olan şəhid hərbçimizin hərb sənətinə olan sevgisi Tovuz döyüşlərindən sonra daha da artıb.

Hüseyn Füzuli istiqamətdə gedən döyüşlərin birində düşmən snayperindən açılan atəşlə şəhidlik zirvəsinə  yüksəlib.

19 yaşlı igid əsgər  "Vətən uğrunda" və "Füzulinin azad olunmasına görə" medalları ilə təltif edilib.

Xezerxeber.az mövzu ilə bağlı daha ətraflı videomaterialı təqdim edir:

Milli.Az

Şərh yaz:

1 Şərh:

  • Anonim
    !!! · 13 Sentyabr 20:1910

    Allah rehmet eləsin butun sehidlərimizə.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.