Ölkə

Azərbaycan məktəbliləri daha çox BU FƏNLƏR üzrə beynəlxalq olimpiadalarda iştirak edirlər

17 Dekabr 2019 19:49

Baxış: 1 455

VTB-də minimal faiz dərəcəsi ilə nağd kredit 10.49%-dən

#TƏHSİL

"Azərbaycan məktəbliləri beynəlxalq fənn olimpiadalarında əsasən riyaziyyat, fizika, kimya, biologiya, informatika fənləri üzrə iştirak edirlər".

Milli.Az Trend-ə istinadən xəbər verir ki, bunu Təhsil Nazirliyinin Təhsil İnstitutunun Xüsusi istedadlı uşaqlarla iş şöbəsinin müdiri Fuad Qarayev deyib.

Onun sözlərinə görə, Təhsil Nazirliyinin müvafiq əmrinə əsasən Azərbaycan şagirdləri 15-dən çox beynəlxalq olimpiadada iştirak edir. Bu olimpiadaların qalibləri Azərbaycanda ali məktəblərə müsabiqədənkənar qəbul ola bilirlər.

F.Qarayev əlavə edib ki, Azərbaycanda beynəlxalq olimpiadalara hazırlıq üçün məktəblərdə beynəlxalq olimpiadalara hazırlıq mərkəzləri yaradılıb. Bu gün həmin mərkəzlərdə 300-dən çox şagird məktəbdənkənar fəaliyyət olaraq, dərslərdə iştirak edir. Bu mərkəzlərdə yerli və xaricdən dəvət olunmuş professorlar şagirdlərə dərs keçirlər.

F.Qarayev Azərbaycanda fizika, riyaziyyat, kimya, informatika, tarix, Azərbaycan dili, ədəbiyyatı, coğrafiya olmaqla ümumilikdə 8 fənn üzrə respublika fənn olimpiadaları keçirildiyini də xatırladıb.

Milli.Az