Ölkə

Bakıda avtobus minik maşını ilə toqquşdu: 1 nəfər öldü, 2 yaralı var - FOTO

2 Avqust 2019 13:22
1 Şərh     Baxış: 2 187

Bakının Sabunçu rayonunda qəza baş verib.

Milli.Az Trend-ə istinadən xəbər verir ki, rayonun R.Rüstəmov küçəsi 86 ünvanında avtobusla minik maşını toqquşub.

Səhiyyə Nazirliyinin Mətbuat xidmətindən Trend-ə verilən məlumata görə, hadisə nəticəsində 2 nəfər yaralanıb, 1 nəfər ölüb.

Yaralılar 3 saylı Bakı Şəhər Klinik Xəstəxanaya çatdırılıblar. Onların vəziyyətləri orta-ağırdır.

Bakı Nəqliyyat Agentliyinin mətbuat xidmətinin rəhbəri Mais Ağayev hadisənin təfərrüatı ilə bağlı açıqlama yayıb.

Bildirib ki, Bakıxanov qəsəbəsi istiqamətində hərəkət edən "Opel" markalı minik avtomobili digər nəqliyyat vasitəsinə dəyərək əks istiqamətdə gələn nəqliyyat vasitələrinin yoluna çıxıb. Daha sonra Qara Qarayev prospekti istiqamətində hərəkət edən 49 nömrəli müntəzəm marşrut xətti ilə hərəkətdə olan (99 XJ 582 Dövləq Qeydiyyat Nişanı) avtobusun qarşısına çıxaraq avtobusa dəyib. Nəticədə zəncirvari yol-nəqliyyat hadisəsi baş verib.

Hazırda qəza ilə bağlı Bakı Nəqliyyat Agentliyi tərəfindən də araşdırma aparılır.

Milli.Az

Məqaləyə dair fotomateriallar:

loading...

Şərh yaz:

1 Şərh:

  • Anonim
    vudal · 2 Avqust 15:0510

    sabuncu xəstəxanasına aparıblarsa 3 ölü yazın indidən

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.