Ölkə

Məhkəmə sürücünün xeyrinə qərar çıxardı - DYP rəisi şikayət etdi

23 İyul 2019 13:43
1 Şərh     Baxış: 2 894

Bakı şəhər Xətai Rayon Məhkəməsində Dövlət Yol Polisinin vətəndaş Ayaz Əliyevə içkili avtomobil idarə etmə ilə bağlı yazdığı inzibati protokol araşdırılıb. 

Milli.Az oxu.az -a istinadən xəbər verir ki, Cavid Hüseynin sədrliyi ilə keçirilən prosesdə qərar elan edilib.

Qərara əsasən, Əliyev Ayaz Nəsrəddin oğlunun əməlində İnzibati Xətalar Məcəlləsinin (İXM) 333.1-ci maddəsi ilə nəzərdə tutulan inzibati xəta hadisəsi olmadığına görə inzibati icraata xitam verilib.

Xətai Rayon Məhkəməsinin 24 iyun 2019-cu il tarixli qərarından Daxili İşlər Nazirliyi Bakı Şəhər Baş Polis İdarəsinin Dövlət Yol Polisi İdarəsinin rəisi, polis polkovniki Nuşirəvan Səfərov apellyasiya şikayəti verib. 

Şikayətə Bakı Apellyasiya Məhkəməsində hakim Habil Məmmədovun sədrliyi ilə baxılacaq. 

Qeyd edək ki, İXM-nin 333.1-ci maddəsi nəqliyyat vasitəsini idarə etmək hüququ olan şəxs tərəfindən nəqliyyat vasitəsini alkoqoldan, narkotik vasitələrdən, psixotrop maddələrdən və ya güclü təsir göstərən digər maddələrdən istifadə olunması nəticəsində sərxoş vəziyyətdə idarə edilməsinə görə məsuliyyəti nəzərdə tutur.

Bu əmələ görə dörd yüz manat məbləğində cərimə və ya nəqliyyat vasitəsini idarə etmək hüququnun altı aydan bir ilədək müddətə məhdudlaşdırılması nəzərə tutulub.

Milli.Az

loading...

Şərh yaz:

1 Şərh:

  • Anonim
    Detektiv · 23 İyul 14:0560

    Avtomobili musadire olunmaqla, 10 il suruculuk huququndan mehrum edilmekle, 5 il hebs cezasi. Bu menim teklifimdir. Serxos veziyyetde neqliyyat vasitesinin idare etmeyin aci neticelerini biz gormusuk. Insanlarin heyatina ve faciesine sebeb ola bilecek bele hallari toredenler cox ciddi cezalanmalidir.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.