Ölkə

Qəzada oğlunu və qardaşını itirən qadının intihar xəbəri yalandır?

12 İyul 2019 10:49
3 Şərh     Baxış: 2 787

Masallıdakı 8 nəfərin öldüyü qəzada yaralanan qadının dünən gecə saatlarında intihar etdiyi ilə bağlı məlumat yayılıb.

Öncə sosial şəbəkələrdə dolaşan bu informasiya sonradan xəbər saytlarında da görünüb. Yayılan məlumatda qeyd olunub ki, qəzada 3 yaşlı oğlu Ayxan öldüyü üçün onun anası Miranə (Yaxınları adının Mirana olduğunu bildirib) Tağıyeva qəzadan sağ çıxsa da, sonra müalicə olunduğu xəstəxanada intihar edərək özünü öldürüb.

Milli.Az xəbər verir ki, qafqazinfo məlumatı dəqiqləşdirmək üçün Səhiyyə Nazirliyi ilə əlaqə saxlayıb. Qurumun mətbuat xidmətindən bildirilib ki, respublikanın heç bir xəstəxanasında belə bir fakt qeydə alınmayıb.

Daha sonra Lerik Rayon Polis Şöbəsi və rayon prokurorluğu sözügedən məlumatı araşdıraraq saytımıza açıqlama veriblər. Məlum olub ki, rayonda intihar və ya intihara cəhd hadisəsi baş verməyib.

M.Tağıyevanın yaxınları da qafqazinfo ilə əlaqə saxlayaraq məlumatın yalan olduğunu, Miranənin hazırda Bakıda olduğunu bildiriblər.

Hüquq-mühafizə orqanlarından əldə etdiyimiz məlumata görə, dünən paytaxtda yalnız polis rəisi Əliaslan Ağayevin oğlu Orxan Ağayevin intiharı qeydə alınıb, Bakıda bundan başqa intihar və ya intihara cəhd hadisəsi baş verməyib. Respublikada isə yalnız Mingəçevirdə ruhi xəstə olan Ruhiyyə adlı qadın intihar edib.

Qeyd edək ki, Miranə Tağıyevanın oğlu Ayxan və qardaşı Tağıyev Əlizahir Masallıda baş verən qəzada həlak olub.

Milli.Az

loading...

Şərh yaz:

3 Şərh:

  • Anonim
    Aqa · 12 İyul 10:5550

    Bilib bilmeden arvadi oldurmusuz ele bil şou biznesdi

    Cavab yaz
  • Anonim
    Xama · 12 İyul 11:0660

    Allah səbir versin yazıq qadın!

    Cavab yaz
  • Anonim
    Oxucu · 12 İyul 11:1590

    Şəkilə baxanda adamın ürəyi parçalanır, bu cür gözəl, mələk üzlü uşaqlar torpağa qovuşdular, elə bil heç olmayıblar bu həyatda. Ana yazıq neyləsin, necə dözsün, özünü öldürməsə də ölməkdən betər olub, ölmək bu əzabdan yaxşıdı (((((

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.