Sürətli çəki artıran ən pis 3 səhər yeməyi açıqlandı

Günə enerjili başlamaq istəyərkən əslində öz enerjinizi özünüz məhdudlaşdırırsınız. Qidalanma mütəxəssisləri səhər yeməyinin vazkeçilməzi olan, lakin qan şəkərini alt-üst edərək çəki artımını sürətləndirən ən zərərli 3 qidanı açıqlayıblar.

Bir çox insan üçün səhər yeməyi günün ən sevilən öyünüdür. Lakin mütəxəssislərə görə, səhərlər iştahla yeyilən bəzi populyar qidalar sağlamlığa faydadan çox zərər gətirir. Səhər saatlarında edilən yanlış seçimlər təkcə gün ərzində enerjini aşağı salmaqla qalmır, uzunmüddətli dövrdə çəki artımına da zəmin yaradır.

Milli.Az mütəxəssislərin uzaq durmağı tövsiyə etdiyi, qida dəyəri aşağı olan və qan şəkərini ani şəkildə dəyişən ən pis 3 səhər yeməyini təqdim edir:

Marqarinli ağ çörək
Ağ undan hazırlanan çörəklər yüksək glisemik indeksə malikdir və qida dəyərləri olduqca aşağıdır. Bu növ rafine edilmiş karbohidratların sənaye üsulu ilə hazırlanan marqarinlə birləşməsi, bədəndə iltihablanma proseslərini tətikləyən bir qida tərkibi yaradır.

Hazır tostlar və qəlyanaltılar
Paketli kremalı biskvitlər, içlikli peçenyelər və hazır tostlar; sağlam olmayan yağlar, yüksək miqdarda natrium (duz) və müxtəlif kimyəvi qatqı maddələri ehtiva edir. Mütəxəssislər bu qidaların toxluq hissi yaratmadığını və bədənə sadəcə "boş kalorilər" yüklədiyini bildirirlər.

Şokoladlı süd və hazır meyvə şirələri
"Gizli şəkər mənbələri" adlandırılan bu içkilər istehlak edildikdən dərhal sonra qan şəkərini sürətlə zirvəyə qaldırır. Lakin bu ani yüksəlişin ardından gələn kəskin eniş günün qalan hissəsində ani enerji itkisinə və erkən aclıq hiss etməyə səbəb olur.

Bu qidalar günü necə məhv edir?
Qidalanma mütəxəssisləri vurğulayırlar ki, bu qidaların səhər erkən saatlarda istehlak edilməsi maddələr mübadiləsinə birbaşa mənfi təsir göstərir. Bədənə daxil olan sadə karbohidratlar və işlənmiş şəkərlər ani insulin ifrazına yol açır. Bu hormonal balanssızlıq aşağıdakı problemləri yaradır:

Bədənin yağ depolama meylini artırır.

İstehlakdan bir neçə saat sonra ani yorğunluq və konsentrasiya əksikliyi yaradır.

İnsanı gün boyu yenidən sadə karbohidrat istehlak etməyə sövq edərək qapalı bir dövrə (yoluxucu bir vərdiş) başladır.

Müəllif: Ülkər Vəliyeva (Milli.Az redaktor)