Ölkə

Məktəblilər dərsdən niyə QAÇIR? - GÜNAH KİMDƏDİR? - VİDEO

10 May 2019 12:49
9 Şərh     Baxış: 3 468

Sosial şəbəkələrdə paytaxtın Səbail rayonundakı 239 saylı orta məktəbdə şagirdin məktəbin 2-ci mərtəbəsindən tullanmasını əks etdirən görüntülər yayılıb. Videoda şagirdin dərsdən qaçmağa çalışdığı görünür.

Milli.Az xəbər verir ki, ARB TV-nin "Günə doğru" proqramı məsələ ilə bağlı maraqlı süjet hazırlayıb.

Məsələnin bir tərəfi şagirdin həmin anda öz həyatını təhlükəyə atmasıdır. O düşərkən ciddi xəsarət ala bilərdi. Hətta daha ağır ola bilərdi. Digər tərəf isə odur ki, bir məktəbli niyə axı dərsdən yayınsın, qaçsın. Özü də qapıdan yox, pəncərədən.

Ziya Məmmədzadə (Təhsil Meneceri): "Bunu bəzən məktəb fobiyası ilə qarışdırırıq. Məktəb fobiyası ilə məktəbdən qaçma halları bir-birindən fərqlidir. Məktəb fobiyası məktəbə getməmək istəyidir. Məktəbdən qaçma isə tədris fəaliyətindən yayınıb, digər fəaliyətlərə yönlənmək".

Ekspertlərin sözlərinə görə, məktəblinin dərsdən qaçmasının səbəbi müxtəlif ola bilər. Bunu təkcə məktəbin daxili fəaliyəti ilə də əlaqələndirmək olmaz.

Ziya Məmmədzadə (Təhsil Meneceri): "Şagirdə valideynin yaşının artması ilə əlaqədar nisbətən diqqəti azalır. Əgər məktəbdə də şagirdin özünə yönəlik hər hansı bir xüsusi diqqət göstərilmədiyi halda, o bu boşluqdan fürsət kimi istifadə edir".

Vəfa Rəşidova (Psixoloq): "Burda məktəbli şagirdlərin yanında özünü qəhrəman kimi göstərmək niyyəti var daha çox. Amma burda başqa səbəblər də ola bilər. Sinifdə oturmaq onlar üçün artıq səbirsiz bir fona çevrilib. Yəni səbirsiz yanaşırlar bu şeylərə. Dərsdə oturmaq istəmirlər. Dərs bunlara sıxıcı gəlir".

Təhsil eksperti Kamran Əsədov isə deyir ki, sözügedən videogörüntündəki hal hər gün əksər məktəblərdə müşahidə olunur. Özünü pəncərədən ataraq, dərsdən qaçanlar isə daha çox repetitor yanına, hazırlıq kurslarına gedən şagirdlərdir.

Kamran Əsədov (Təhsil eksperti): "Onlara getmək üçünsə məktəb rəhbərliyi təbii ki, icazə vermir. Çünki qanunvericiliyin tələbinə görə dərs müddətində məktəbli məktəbdə olmalıdır. Hazırlıq kursları da şagirdin həyatını və təhlükəsizliyini nəzərə almalıdır. Yaxşı olar ki, repetitorlar və hazırlıq kursları mütləq şəkildə saat 4-dən etibarən başlasınlar".

Ekspertlər məktəblərin mühafizəsi və təhlükəsizliyinin aşağı səviyyədə təşkil edildiyinə də diqqət çəkir. Nəticədə belə xoşagəlməz mənzərə yaranır.

Kamran Əsədov (Təhsil eksperti): "Yalnız məktəbin giriş qapısını qorumaqla ki, şagirdlər dərs müddətində çıxmasınlar kənara və yaxud kənar şəxslər məktəbin inzibati ərazisinə daxil olmasınlar bununla təhlükəsizliyin təmin edilməsi mümkün deyil".

Ekspertlər hesab edir ki, əgər məktəb rəhbərliyi hər hansı xoşagəlməz halın baş verməsini istəmirsə, orada profilaktik işlər aparmalıdır. Hər bir şagirdə fərdi qaydada yanaşmaq, onun problemi ilə maraqlanmaq və o problemin həllinə birgə çalışmaq lazımdır. Təbii ki, təhlükəsizlik məsələsi də gözardı edilməməlidir.

Milli.Az 

Məqaləyə dair fotomateriallar:

loading...

Şərh yaz:

9 Şərh:

  • Anonim
    VƏTƏNDAŞ. · 10 May 13:1348

    MÜƏLLİMLƏR KEFİYYƏTLİ DƏRS KECMİR ONA GÖRƏ .QACIR.BİLƏSİZ

    Cavab yaz
    • Anonim
      Zəhra · 10 May 13:5806

      Çox düz və gözəl dediz VƏTƏNDAŞ

      Cavab yaz
    • Anonim
      Vetedasa · 10 May 16:2332

      Dersden terbiyesiz usaq qacir siz bilesiniz.

      Cavab yaz
  • Anonim
    55 · 10 May 15:2921

    uşağın pəncərədən qaçması təbi pisdi qıçı sına bilərdi və s. ama məktəbində yadda qalanı dərsdən qaçmağdıda sensasiya etmək lazım deyil

    Cavab yaz
  • Anonim
    Xxx · 10 May 16:2051

    Günah elbetteki valideynlerdedi. Bu tip usaqlarin valideynleri usaqlarina düzgün terbiye vermir, nezaretsiz buraxirlar. Bele ailelerin usaqarida dersdende qacirlar, müellimlede dalasirlar, erken yaslarda siqaretde cekirler. Sonra günahkar mekteb ve ya müellim olur. Valideynin borcudu usagina terbiye vermek müellimin yox. Müellimin borcu ders keçmekdi. 45 deqiqeye müellim 30-40 usaga ders kecsin yoxsa terbiye versin.

    Cavab yaz
  • Anonim
    2. · 10 May 16:2360

    Valideyn mektebe hazir terbiyeli usaq göndermelidir ki, müelliminde işi ancaq ders kecmek olsun. Terbiyesiz, nezaretsiz usaqlar boyudur bezi valideynler usaq mektebde ozune nese edende günahkar müellim olur.

    Cavab yaz
  • Anonim
    orbet. · 10 May 16:4720

    Başlıca səbəb, valideynin övladına düzgün tərbiyə verməməsi, digər amillər isə müəllimin sinifdə auditoriyanı idarə edə bilməməsi, fənnini maraqlı şəkildə ifadə etməyərək şagirdlərə çatdırmaması nəticəsində fənnə marağın olmaması, bir sözlə valideynlərlə məktəbin birlikdə kompleks tədbirləri olmalıdır ki, məktəblərdə tədris hər zaman keyfiyyətli-davamiyyətli olsun. Amma nə yazıq ki, bu nizam-intizam yoxdur.

    Cavab yaz
  • Anonim
    Zəhra · 10 May 17:2145

    Hər uşaq kimi biz də kursa gedirik. Çünki müəllimlərin dərsi bizi qane eləmir. Bəzilərinin. Uşaqlar da ola bilsin müəllim icazə vermir getməyə ona görə qaçıb. Yəqin kursa ya da hazırlığa gedir. Müəllimdə bilib icazə vermir. Çünki indi uşaqların hamısı belədir. Məktəbdəki dərs qane eləmir. Təbiiki bu bütün müəllimlərə aid deyil.

    Cavab yaz
    • Anonim
      Zəhra · 10 May 19:4311

      Hansısa savadsız müəllimə sözlərim təsir eliyib deyəsən. Qırmızılayır.

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.