Ölkə

2-ci mərhələ başladı: 3 kəndimiz geri qaytarılır

18 Yanvar 2025 16:36
Baxış: 7 253
VTB-də minimal faiz dərəcəsi ilə nağd kredit 9.9%-dən
#ERMƏNİSTAN #SƏRHƏD #SÜLH

Azərbaycan və Ermənistan arasında sərhəd bölgələrində delimitasiya və demarkasiya prosesi davam edir. Prosesin bu mərhələsi, gözlənildiyi kimi, Qazax bölgəsindən başladı. Bu qərar həm siyasi, həm də praktiki baxımdan gözlənilən idi, çünki Qazax və Naxçıvan ərazilərində Azərbaycanın anklav kəndləri mövcuddur.

Bu sözləri Axar.az-a QAFSAM-ın sədr müavini, siyasi elmlər üzrə fəlsəfə doktoru Nazim Cəfərsoy deyib.

Onun sözlərinə görə, sərhədlərin dəqiqləşdirilməsinin ikinci mərhələsində Kərki məsələsi ilə bağlı diqqətçəkən məqamlar var:

"Delimitasiya və demarkasiya çərçivəsində artıq Qazax bölgəsindəki dörd kənd Azərbaycana qaytarılıb. İndi isə digər kəndlərin də Azərbaycana qaytarılması prosesi davam edir. Prezident İlham Əliyev daha əvvəl mətbuata verdiyi açıqlamada bu prosesin iki mərhələdən ibarət olduğunu vurğulamış və ilk mərhələnin həyata keçirildiyini bildirmişdi.

Hazırda ikinci mərhələnin Qazaxdan başlayaraq İran sərhədinə qədər davam etməsi gözlənilir. Bununla yanaşı, Zəngəzur dəhlizi məsələsinin bu prosesdən ayrıldığı ehtimal edilir. Prosesin nəticəsində Azərbaycanın Zəngilandan keçən sərhədlərinin bərpa edilməsi planlaşdırılır, lakin Kərki ilə bağlı məsələ hələlik son mərhələ olaraq qalır".

Ekspertlərin fikrincə, Kərkidən keçən yolun Ermənistanın İranla əlaqəsində mühüm rol oynaması Zəngəzur dəhlizi ilə bağlı müzakirələrin daha geniş kontekstdə davam etdiriləcəyini göstərir. Beləliklə, Kərki məsələsi Zəngəzur dəhlizi ilə paralel şəkildə müzakirə oluna bilər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.