Ölkə

Azərbaycan və İran hərbi gəmiləri Xəzərdə təlim keçirəcək - VİDEO

3 Noyabr 2024 20:20

Baxış: 1 307

#IRAN #VİDEO #HƏRBİ #GƏMİ

20:20

Azərbaycan Respublikasının Müdafiə Nazirliyi ilə İran İslam Respublikası Silahlı Qüvvələrinin Baş Qərargahı arasında imzalanmış hərbi və hərbi-texniki əməkdaşlığa dair birgə komissiyanın iclasının protokoluna əsasən, Azərbaycan və İran İslam Respublikası Ordusunun Hərbi Dəniz Qüvvələrinin bir qrup şəxsi heyəti və gəmisinin iştirakı ilə "AZIREX-2024" birgə taktiki təlimi keçiriləcək.

Milli.Az xəbər verir ki, bu barədə Azərbaycan Müdafiə Nazirliyi məlumat yayıb.

Noyabrın 2-də təlimdə iştirak etmək məqsədilə qonşu ölkəyə səfər etmiş Azərbaycan Ordusunun şəxsi heyət və döyüş gəmiləri Ənzəli dəniz limanına gəliblər.
Xəzər dənizinin İran İslam Respublikasına mənsub hissəsində keçiriləcək "Dənizdə axtarış-xilasetmə" təliminə Azərbaycan Hərbi Dəniz Qüvvələrinin 2 vahid gəmisi və 100-dən çox şəxsi heyəti qatılacaq.

12:29
------------

Azərbaycan və İran Xəzər dənizində birgə hərbi təlim keçirir.

Milli.Az xəbər verir ki, bu barədə "Mehr" agentliyi məlumat yayıb.

Təlimlər "Sülh və dostluq naminə əməkdaşlıq!" şüarı altında keçirilir.

Milli.Az