Ölkə

8-ci sinif şagirdi ilə uyğunsuz hərəkətlərdə adı hallanan direktor işdən çıxdı

14 Mart 2024 15:40

Baxış: 2 161

VTB-də minimal faiz dərəcəsi ilə nağd kredit 10.49%-dən

#MƏKTƏB

Xaçmaz rayonu Qusarçay kənd tam orta məktəbinin fiziki tərbiyə müəllimi Təbriz Adgözəlovun məktəbin 8-ci sinif şagirdinə qarşı uyğunsuz hərəkətləri ilə bağlı yayılmış informasiya barədə araşdırma aparılıb.

Milli.Az oxu.az-a istinadən xəbər verir ki, bu barədə Quba-Xaçmaz Regional Təhsil İdarəsi açıqlama yayıb.

Araşdırmanın nəticəsində məlum olub ki, bu barədə məlumatı əldə edən kimi direktor və sosial psixoloq tərəfindən həmin şagirdlə söhbət aparılıb və bundan sonra müvafiq olaraq hüquq-mühafizə orqanlarına məlumat verilib:

"Sözügedən müəllim isə araşdırma başlanılan zaman öz ərizəsi ilə işdən azad olunmaq üçün müraciət edib və onunla bağlanmış əmək müqaviləsinə xitam verilib. Həmçinin, məktəbin direktoru səlahiyyətlərini icra edən direktor müavini də işdən azad edilməsi üçün ərizəsini təqdim edib.

Hazırda məsələ hüquq-mühafizə orqanları tərəfindən araşdırılır".

Milli.Az
Xəbərlərimizi WhatsApp kanalımızdan da oxuyun