Ölkə

Metronun 3 stansiyasında iş vaxtı uzadılır - Səbəb

14 Fevral 2023 15:11
Baxış: 1 759
VTB-də minimal faiz dərəcəsi ilə nağd kredit 10.49%-dən

"Qarabağ" Futbol Klubunun UEFA Konfrans Liqası turniri çərçivəsində fevralın 16-da "Gənclik" stansiyası yaxınlığında yerləşən Tofiq Bəhramov adına stadionda keçirəcəyi oyunla əlaqədar Bakı metropoliteninin 3 stansiyası gücləndirilmiş və dəyişdirilmiş iş rejimində çalışacaq.

Milli.Az "Bakı Metropoliteni" QSC-nin yaydığı məlumata istinadən xəbər verir ki, Azərbaycan Futbol Federasiyaları Assosiasiyasının (AFFA) müraciətinə əsasən, matçın gec başa çatacağı ilə əlaqədar metropolitenin "Gənclik", "Nərimanov" və "28 May" stansiyalarında iş vaxtı 1 saat uzadılacaq.

Tofiq Bəhramov adına Respublika stadionunda təşkil edilən kütləvi tədbirlərlə əlaqədar, bu qarşılaşmaya tamaşaçı marağı nəzərə alınmaqla, metropolitendə sərnişinlərin təhlükəsiz və rahat daşınması, azarkeşlərin oyun qurtardıqdan sonra mənzil başına rahat çatmaları üçün bir sıra tədbirlər görüləcək. Stadionun yaxınlığında yerləşən "Gənclik" stansiyasında "Bakı Metropoliteni" QSC-nin müvafiq əməliyyat planına uyğun olaraq, nəzarət mexanizmləri gücləndiriləcək və əlavə işçi qüvvəsi ayrılmaqla növbətçilik cədvəli tərtib olunacaq.

"Nərimanov" və "28 May" stansiyalarında da ehtiyat tədbirləri görüləcək. Zərurət yaranacağı təqdirdə ehtiyat qatarlar xəttə buraxılmaq üçün hazır vəziyyətdə saxlanılacaq.

Milli.Az 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

ILK-10 Azeri Website Directory