Ölkə

İstifadə olunsa da, yaxşı vəziyyətdə olan zəruri əşyalar yardım kimi qəbul edilə bilər

8 Fevral 2023 14:45

Baxış: 1 071

#CƏMİYYƏT

"Qardaş köməyi" platforması çərçivəsində Türkiyədə zəlzələdən əziyyət çəkənlər üçün humanitar yardım qəbul məntəqələrinə istifadə olunmuş geyim və əşyaların qəbulu davam edir.

Bu barədə jurnalistlərə MÜSİAD-ın idarə heyətinin sədri Rəşad Cabirli Bakı KOB evində "Qardaş köməyi" platformasının təqdimatı zamanı deyib.

O, Türkiyə Respublikası Fövqəladə Halların İdarə olunması Agentliyinin (AFAD) yalnız yeni geyim və əşyaları qəbul etməyi bildirdiyini təsdiqləyib, lakin istifadə olunsa da, yaxşı vəziyyətdə olan zəruri əşyaların qəbul edilə biləcəyini deyib.

"Qeyd etmək istəyirəm ki, Türkiyə tərəfi, xüsusən AFAD bizə sosial şəbəkələrdə və media resurslarında dərc olunan zəruri əşyaları qəbul etməyimizi bildirib", - Cabirli vurğulayıb.

O, "Qardaş köməyi" platformasının adının çətin zamanların şüarını səciyyələndirdiyini əlavə edib.

Xatırladaq ki, fevralın 6-da Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub. Xeyli sayda insan həlak olub və yaralanıb.

Milli.Az