Ölkə

“Pepsi” Şərurlu İsfəndiyarı məhkəməyə verdi

29 Oktyabr 2022 13:58

Baxış: 2 058

VTB-də minimal faiz dərəcəsi ilə nağd kredit 10.49%-dən

#CƏMİYYƏT

"Pepsi" içkilərinin Azərbaycandakı rəsmi təmsilçisi "Mars Overseas" tanınmış iş adamı İsfəndiyar Axundova məxsus "Şərur MTK"nı məhkəməyə verib.

Milli.Az "Qafqazinfo"ya istinadən bildirir ki, şirkət iş adamını müqavilə öhdəliklərini yerinə yetirməməkdə günahlandırır. İddiaya görə, "Şərur MTK" "Mars Overseas"dan 3400 manatlıq "Pepsi" məhsulu alıb, lakin pulunu ödəməyib. Buna görə də şirkət Bakı Kommersiya Məhkəməsində iddia qaldırıb. İşə hakim Leyla Əliyevanın sədrliyi ilə baxılır.

Qeyd edək ki, Şərurlu İsfəndiyar kimi tanınan İsfəndiyar Axundov ölkənin ən böyük tikinti maqnatlarından biri sayılır. O, Bakıda milyonlarla dəyəri olan bir çox binanın tikintisini həyata keçirən "Şərur MTK"-nın rəhbəridir.

"Mars Overseas" isə 1999-cu ildən Azərbaycan bazarında fəaliyyət göstərir. "Pepsi" məhsullarının Azərbaycanda istehsal və satış hüququna sahibdir.

Milli.Az