Ölkə

Hacı Şahin Həsənli Ayın görülməsilə bağlı məsələlərə aydınlıq gətirdi - VİDEO

3 May 2022 09:45

7 Şərh Baxış: 6 866

VTB-də minimal faiz dərəcəsi ilə nağd kredit 10.49%-dən

#VİDEO

İlahiyyatçı, Qafqaz Müsəlmanları İdarəsinin nümayəndəsi Hacı Şahin Həsənli Ayın görülməsilə bağlı məsələlərə aydınlıq gətirib.

Milli.Az Bakupost.az-a istinadən xəbər verir ki, onun sözlərinə görə, dinimizdə Ayın görünməsi əsas şərt hesab olunur:

"Bayram Ayın görünməsi ilə məlum olur. Quranda da qeyd olunur ki, sizlərdən kim Ayı gördüsə, oruc tutsun. Yəni Ayı müşahidə etdikdən sonra oruc oluruq, və yaxud da orucumuzu açıb, bayramı qeyd edirik. Bu dinimizin qaydalarıdır. Bu məsələlər hazırda elmi görüşlər və dini baxışlarla birgə tənzimlənir.

Ayın görünməsi ilə bağlı öncədən qəti bir şey demək olmur. Çünki bəzən hava şəraiti və s. amillər Ayın müşahidə edilməsinə mane ola bilər. Ona görə də bunlar ehtimallar əsasında deyilir. Birmənalı şəkildə deməliyəm ki, bu məsələdə hansısa siyasi çalar yoxdur. Bu məsələni siyasiləşdirmək kökündən yanlışdır. Bu şəriət məsələsidir".

Milli.Az