Ölkə

Bayraqla avtomobil təmizləyən 72 yaşlı sürücü üzr istədi - FOTO

12 Yanvar 2022 17:10

6 Şərh Baxış: 2 487

"Sumqayıtda bayraqla avtomobil təmizləyən şəxs saxlanılıb".

Bunu Daxili İşlər Nazirliyinin Mətbuat Xidmətinin inspektoru Zeyni Hüseynov deyib.

"Bu gün sosial şəbəkələrdə yaşlı bir kişinin bayraqla avtomobil təmizləməsinin videosu yayılmışdı. Polis əməkdaşları tərəfindən həyata keçirilən əməliyyat texniki tədbirlərlə həmin şəxsin Sumqayıt şəhər sakini 72 yaşlı Soltan Mehdiyev olması müəyyən edilib. Sumqayıt Şəhər Polis İdarəsinə dəvət olunan S.Mehdiyev izahatında taksi fəaliyyəti ilə məşğul olduğunu bildirib. O qeyd edib ki, avtomobilində təmizlik üçün bir neçə parça olub, lakin həmin vaxt səhv salaraq həmin parçalardan deyil, bayraqdan istifadə edib.

S.Mehdiyev etdiyi bu hərəkəti qınayan hər bir kəsdən üzr istəyib və peşman olduğunu söyləyib", - DİN rəsmisi bildirib.

--------

15:24

Azərbaycanda taksi sürücüsü avtomobilini Azərbaycan bayrağı ilə silib.

Milli.Az oxu.az-a istinadən xəbər verir ki, bununla bağlı video sosial şəbəkədə yayılıb.

Görüntülərdə orta yaşlı kişinin əlindəki bayraqla maşının üzərindəki tozu və avtomobilin dövlət nişanını silməyi yer alıb.

Videonu izləyənlər baş verən bu hadisəni qəzəblə qarşılayıblar.

Daxili İşlər Nazirliyinin Mətbuat Xidmətindən bildirilib ki, məsələ ilə bağlı araşdırma başlayıb.

Milli.Az