PUL
İkinci əl avtomobil bazarında bəzən satıcılar odometrə manipulyasiya etməkdən çəkinmirlər, qiyməti qaldırmaq və maşına daha "gənc" görünüş vermək üçün yürüşü azaldır, gövdəyə əl gəzdirirlər. Bəs real yürüşü müəyyən etmək mümkündürmü?
Milli.Az oxu.az-a istinadən xəbər verir ki, rusiyalı müstəqil ekspert Pyotr Subbotin bu yolla mütəxəssisləri aldatmağın mümkün olmadığını bildirib.
O, avtomobilin yürüşünün azaldılmasını "uşaq hiyləsi" adlandırıb.
"Odometrin göstəriciləri təkcə cihaz panelində deyil, həm də mühərrikin, ötürmələr qutusunun və digər qovşaqların idarəetmə bloklarının "beyinlərində" təkrarlanır. Bu, avtomobilin hansı yürüşündə hansı nasazlıqların baş verdiyini qeyd etmək üçün edilir. Bunu azaltmaq mümkün deyil - yalnız sıfırlamaq olar. Buna görə də diaqnostika zamanı servis mərkəzində real yürüşü öyrənmək problem olmayacaq", - deyə o vurğulayıb.
Avtomobil eksperti bildirib ki, bu yolla usta, eyni zamanda, mühərrikin iş saatlarının həcmini də öyrənir.
"Mühərrikin boş gediş dövrlərində nə qədər işlədiyini anlamaq çox vacibdir. Məsələ burasındadır ki, boş gedişdə yağ nasosu çox zəif işləyir və güc aqreqatı yağla cüzi yuyulur, bu isə elementlərin sürətli aşınmasına səbəb olur", - deyə o bildirib.
Qeyd olunub ki, bu gün satışda avtomobilin yürüşünü təkcə mühərrik və ya ötürmələr qutusu üzrə deyil, həm də əyləc sistemi, bort şəbəkəsi və oğurluğa qarşı sistem üzrə oxuya bilən skanerlə tapmaq mümkündür.
Milli.Az
Xəbərlərimizi WhatsApp kanalımızdan da oxuyun
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.png)
