Avto

“Volvo”da ciddi nasazlıq aşkarlandı - 72 min elektrik avtomobilini geri çağırır

11 İyun 2024 08:32

Baxış: 730

#AVTOMOBİL

İsveçin "Volvo" avtomobil konserni dünyada 72 min yeni EX30 elektrik avtomobilini geri çağırır.

Milli.Az AZƏRTAC-a istinadən bildirir ki, səbəb bu model avtomobillərin mərkəzi ekranının ehtimal edilən nasazlığıdır, buna görə də sürətölçən göstərilmir.

Bu modeldə sürətölçən sükan arxasında deyil, sürücünün sağındakı böyük ekranda yerləşir və avtomobil işə salındıqda test rejiminə keçə bilər. Test rejimində sürət göstərilmir və nasazlığı aradan qaldırmaq üçün proqram təminatının yeniləməsi tələb olunur.

Şirkətin ictimaiyyətlə əlaqələr üzrə meneceri Magnus Holstun sözlərinə görə, təkcə İsveçdə 5 minə yaxın elektrik avtomobili uzaqdan həyata keçirilə bilən proqram təminatının yeniləməsini tələb edir.

Volvo EX30 satışları bu ilin yanvar ayında başlayıb. Bu günə qədər 35 min avtomobil satılıb.

Milli.Az