Paşinyan müxalifəti hədələdi: “Sizi diz çökdürəcəyəm”

"Ermənistan qanunlarına uyğun olaraq və xalqın mandatını daşıyan bir şəxs kimi, mən konkret şəxsləri həbslə hədələyirəm və onlar həbsdə qalmalıdırlar. Bu fiziki təhdid maska taxanlara da aiddir. Bəli, bu, fiziki təhdiddir, çünki biz onları yerə çırpacağıq, mismarlayacağıq". 

Milli.Az-ın xəbərinə görə, hazırda məzuniyyətdə olan və hakim "Vətəndaş Müqaviləsi" Partiyasının proporsional namizədlər siyahısına rəhbərlik edən Ermənistanın Baş naziri Nikol Paşinyan bunu Yerevanda seçki kampaniyası zamanı jurnalistlərə bildirib.

Onun sözlərinə görə, müxalifət nümayəndələri cinayətlərdə iştirak edənlər kimi təqib olunurlar. 

"Çiyinlərinə avtomat asılmış maska taxıb danışanları bir-bir tapıb mismarlayacağam. Hüquq-mühafizə orqanlarımız onları cəzaçəkmə müəssisələrinə atacaq. Bu, son səkkiz ildə çoxsaylı hallarda baş verib", - Paşinyan əlavə edib.

O, hakimiyyətin "mafiya"nın 23 başından 20-sini kəsdiyini, üç başının qaldığını bir daha vurğulayıb və əlavə edib ki, bu məsələ də ilin sonuna qədər həll olunmalıdır. "Mən qadını hədələmədim; Robiki hədələyirəm və indi də hədələyirəm. Əgər bir qadın erməni xalqının nümayəndəsi ilə danışdığını anlamırsa, mən onun ağaları ilə danışıb onu hədələyirəm. Müharibə zamanı ailəmi əsirgəmədim. Oğlumla eyni səngərdə olan bir kişi öldü. Qarabağ ləhcəsi ilə təhdid edənlərin hamısı qaçaq, qorxaq alçaqdır. Onların bəziləri artıq mühakimə olunur və onlar da məsuliyyətə cəlb olunmalıdırlar".

"Onları daim azadlığa buraxan məhkəmə mafiyası... Məni ittiham etmək və hakimiyyət dəyişikliyini müzakirə etmək üçün yüksək vəzifələrindən imtina edənlər başlarını divara çırpmalıdırlar", -  Paşinyan vurğulayıb.

Onun fikrincə, Konstitusiyaya düzəliş edilməli və hakimlər hakim statusuna malik olmalıdırlar. "Demokratiyanı demokratiyaya qarşı istifadə etmək istəyənləri təhdid edirəm. Kaluqa oliqarxını, Qaqo Tsarukyanı, Robert Köçəryanı və Serji təhdid edirəm. Sizi əzib diz çökdürəcəyəm", - Paşinyan qeyd edib. (lent.az)

Milli.Az