Ermənistan

Paşinyanı rədd edən erməni nobelçi kimdir?

14 Oktyabr 2024 19:50

Baxış: 482

#MARAQLI #ERMƏNİSTAN #ELM #ERMƏNİ

Xəbər verdiyimiz kimi, 2024-cü il İqtisadiyyat üzrə Nobel mükafatı Simon Conson, Ceyms A. Robinsonla birlikdə Amerika-Türkiyə iqtisadçısı Daron Əcəmoğluna verilib.

Milli.Az axar.az-a istinadən bildirir ki, Əcəmoğlu 1967-ci ildə İstanbulda anadan olub. Erməni əsillidir və atası hüquqşünas Gevork Əcəmoğludur.

Orta təhsilini İstanbuldakı Qalatasaray liseyində alıb. Daha sonra İngiltərənin York Universitetində İqtisadiyyat fakültəsində təhsilini davam etdirib. London İqtisadiyyat Məktəbində, daha sonra ABŞ-ın Massaçusets Texnologiya İnstitutunda (MİT) doktorluq dərəcəsini bitirib. Hazırda MİT-də iqtisadiyyat professoru kimi fəaliyyət göstərir.

Əcəmoğlunun digər Nobel laureatı Ceyms A.Robinsonla birgə yazdığı "Millətlər niyə tənəzzül edir" kitabı "Nyu York Tayms" qəzetinin ən çox satılan kitablar siyahısına daxil edilib.

Kitab ölkələrin iqtisadi rifah səviyyələrindəki fərqlərin əsas səbəbinin siyasi və iqtisadi institutların strukturu olmasından bəhs edir.

Əcəmoğlu dünyanın ən çox istinad edilən 10 iqtisadçısı arasında yer alır.

2018-ci ildə Ermənistanın Baş naziri Nikol Paşinyan Daron Əcəmoğlunu ölkəsinə dəvət etmişdi. Lakin iqtisadçı Paşinyanın hökuməti ilə əməkdaşlıqdan qəti şəkildə imtina etmişdi.

Daron Əcəmoğlu Turqut Özal hökumətində nazir omuş İsmayıl Özdağların qızı Asuman Özdağlarla evlidir. Hər ikisi Massaçusets Texnologiya İnstitutunun (MİT) professorudur. Arda və Aras adlı iki oğulları var.

Qeyd edək ki, Daron Əcəmoğlu yazıçı Orxan Pamuk, kimyaçı alim Əziz Səncərdən sonra Nobel mükafatı qazanan 3-cü Türkiyə vətəndaşıdır.

Milli.Az
Xəbərlərimizi WhatsApp kanalımızdan da oxuyun