İdman

İdmançılarımız beynəlxalq döyüş festivalında 2 qızıl, 1 bürünc medal qazandılar - VİDEO

9 İyul 2015 10:14

0 Şərh Baxış: 962

VTB-də minimal faiz dərəcəsi ilə nağd kredit 9.9%-dən

#İDMAN #VİDEO #BÖLGƏ XƏBƏRLƏRİ

TTV (Region TV) xəbər verir ki, Rusiya Federasiyasının Qaraçay-Çərkəz Respublikasının Dombay qəsəbəsində beynəlxalq döyüş növləri üzrə festival keçirilib. 29 iyun-2 iyul tarixlərində reallaşan yarışda Azərbaycanı Qazaxdan olan idmançılar təmsil ediblər. Boks, karate, MMA və qreplinq üzrə təşkil olunan döyüş festivalında ölkəmizin idman şərəfini 3 qreplinqçi qoruyub. Fərəhli haldır ki, hər 3 idmançımız yarışda fəxri kürsüyə yüksəlib. 30 kq çəki dərəcəsində mübarizə aparan Tapdıq Pənahzadə bütün rəqiblərindən üstün olaraq turnirin qalibi olub. Bu, yeniyetmə idmançımızın ilk böyük uğuru deyil. Ötən il Birləşmiş Ərəb Əmirliyinin Əbu-Dabi şəhərində keçirilən dünya çempionatında Tapdıq Pənahzadə gümüş medal qazanmışdı.

84 kq-da qüvvəsini sınayan Fərid Məmmədov da beynəlxalq turnirdə uğurla çıxış edərək çempion adını qazanıb.

77 kq-da mübarizəyə qoşulan Nurlan Qocayev 7 ölkənin idmançılarının iştirak etdiyi qreplinq yarışlarını bürünc medalla başa vurub. Komandamız yarışa baş məşqçi Şahsuvar Məhyəddinovun rəhbərliyi altında yollanmışdı.

Təmsilçilərimizi qarşıda məsul yarışlar gözləyir. Onlar sentyabrda Rusiyanın Sankt-Peterburq şəhərində keçiriləcək döyüş növləri üzrə Olimpiadada iştirak edəcəklər. Mötəbər turnirlərə səylə hazırlaşan idmançılarımız noyabrda Avropa çempionatına qatılacaqlar.

Milli.Az

Videonu izləmək üçün şəklə klikləyin.