Kulinariya

Mətbəx sirləri: Şepard piroqu

29 Aprel 2014 07:00
24 Şərh     Baxış: 6 202
VTB-də minimal faiz dərəcəsi ilə nağd kredit 9.9%-dən
#KULİNARİYA #IRELAND
Milli.Az irland mətbəxindən Şepard piroqunun (Shepherds pie) hazırlanma qaydasını təqdim edir

Tərkibi:

0,5 kq qoyun əti
1 yerkökü
1 baş soğan
2 diş sarımsaq
3 x.q. tomat pastası
150 ml qırmızı şərab
4 kartof
2 yumurtanın sarısı
parmezan
rozmarin
kəkotu
1 x.q. kərə yağı
zeytun yağı
təzə üyüdülmüş qara istiot
dəniz duzu

Qoyun ətindən qiymə hazırlayın.

Kartofu təmizləyib suda bişirin.
 
Tavada zeytun yağını qızdırıb qiyməni bişirin. Duz və istiot əlavə edin.

Qızılı rəng alanadək qovurun, sonra xırda doğranmış soğan və sürtgəcdən keçirilmiş yerkökü əlavə edin. Sarımsağı əzib qatın. Yaxşıca qarışdırın.

Tomat pastası əlavə edib qarışdırın.

Şərab əlavə edib qarışdırın.

Rozmarin və kəkotu əlavə edib qarışdırın. Vam odda daha 5 dəqiqə bişirin.

Kartofu püre halına gətirib duz, istiot, kərə yağı əlavə edib azca çalın. Yumurta sarıları və parmezan (üzəri üçün də saxlayın) əlavə edib qarışdırın.

Hazır qiyməni dərin siniyə (əgər saxsıdandırsa, daha yaxşı) döşəyin. Üzərinə kartof püresini döşəyib parmezan səpin.

Pürenin üzərində bir neçə yerdən çəngəllə deşiklər açın. 180 dərəcə qızdırılmış sobada 10-12 dəqiqə bişirin.

Nuş olsun!

Resept: vk.com/vkusnenki

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.