Dünya

Türkiyə ilə bu ölkə arasında yeni münaqişə başlaya bilər?

2 Oktyabr 2021 21:04

0 Şərh Baxış: 1 306

VTB-də minimal faiz dərəcəsi ilə nağd kredit 10.49%-dən

#DÜNYADA

Yunanıstanın keçmiş müdafiə naziri Panos Kammenos ölkəsinin Türkiyə ilə müharibə ehtimalından danışıb və bildirib ki, münaqişə qaçılmazdır.

Milli.Az publika.az-a istinadən xəbər verir ki, ilyarımdan sonra sükutu pozan sabiq nazir jurnalistlərə qalmaqallı açıqlamalar verib. O, Mitsotakis hökumətini Türkiyə ilə kəşfiyyat danışıqlarına görə də tənqid edib.

Kammenos Egey dənizində Türkiyə ilə yeni qarşıdurmanın qaçılmaz olduğunu iddia edib və mümkün hücum təhlükəsi yaranarsa, Yunanıstanın elə ilk anlardan tək qalacağını deyib:

"Hərbi təlim zamanı Yunanıstan Sualtı Komandası türk balıqçılar tərəfindən təxribata təhrik edilib. Türkiyənin məqsədi Yunanıstanı Avropa Məhkəməsinə sürükləməkdir. Bu səbəbdən də yeni qarşıdurmaya başlayacaqlar".

Yunanıstan Baş naziri Kiryakos Mitsotakis hökumətini tənqid edən Kammenos qeyd edib ki, münasibətləri dayandırmaq, əlaqə kanallarını bağlı saxlamaq çıxış yolu deyil:

"Həmçinin, suverenliyiniz pozulanda kəşfiyyat danışıqları apara bilməzsiniz, bu doğru deyil".

Milli.Az