Dünya

Əfqanıstanda İŞİD-in iki başçısı məhv edilib

28 Avqust 2021 20:12
0 Şərh     Baxış: 814
VTB-də minimal faiz dərəcəsi ilə nağd kredit 10.49%-dən

ABŞ-ın Əfqanıstana endirdiyi hava zərbəsi nəticəsində İŞİD terror qruplaşmasının iki başçısı zərərsizləşdirilib.

Milli.Az "Report"a istinadən bildirir ki, bu barədə ABŞ-ın Müdafiə Nazirliyi məlumat yayıb.

Məlumata görə, hava zərbəsi zamanı dinc sakinlər arasında tələfat və ya xəsarət alan olmayıb. Pentaqon təmsilçisi, general-mayor Uilyam Teylor bildirib ki, hava zərbəsi nəticəsində həmçinin daha 1 terrorçu yaralanıb.

"Mən yeni informasiyanın daxil olması ilə təsdiq edə bilərəm ki, İŞİD-in iki yüksək vəzifəli üzvü öldürülüb, biri yaralanıb. Bizə mülki əhali arasında itkilərin olmaması məlumdur", - o Pentaqonda keçirdiyi brifinqdə deyib.

Qeyd edək ki, ABŞ hərbçiləri ötən gün pilotsuz uçuş aparatından zərbə nəticəsində bir terrorçunun öldürüldüyünü bildiriblər.
Pentaqon həmçinin Əfqanıstandan 5,4 min nəfər amerikalının təxliyə edildiyini açıqlayıb.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.