Cəmiyyət

"Azərişıq" yoxlamalara başlayıb? - RƏSMİ AÇIQLAMA - YENİLƏNİB

27 Noyabr 2025 11:15

Baxış: 7 198

VTB-də minimal faiz dərəcəsi ilə nağd kredit 9.9%-dən

#AZƏRİŞIQ ASC #ELEKTROMOBİL

11:15

"Azərişıq" ASC-dən Milli.Az-ın sorğusuna cavab olaraq bildirilib ki, deyilənlər əsassızdır:

"Ümumi qaydaları kimsə "yoxlama" adı ilə xatırladır".

10:50

"Azərişıq" ASC elektrikli avtomobillər üçün quraşdırılmış enerjidoldurma cihazlarına nəzarət və yoxlamalara başlayıb.

Milli.Az xəbər verir ki, artıq yaşayış məntəqələrinin yeraltı dayanacaqlarda quraşdırılan hər bir cihazın enerji xətti ayrıca yoxlamadan keçirilir.

Belə ki, əgər sakinlər avtomobillərini binanın ümumi elektrik şəbəkəsindən və ya mənzilin sayğacından birbaşa xətt çəkərək doldururlarsa, həmin xətt dərhal şəbəkədən ayrılacaq.

Sakinlər "Azərişıq"a müraciət edərək texniki şərt almalı və həmin şərtə uyğun ayrıca sayğac quraşdırılmalıdır. Əlavə rüsumlar və texniki tələblərlə bağlı məlumatı "ASAN Kommunal" mərkəzlərindən və ya "Azərişıq"dan əldə etmək mümkündür.

Qarajlarda elektrik enerjisi ilə bağlı yoxlamalar aparılmadan əvvəl mülkiyyət sənədinin olması vacibdir. Qarajınızın mülkiyyət sənədini (çıxarış) təqdim edərək Asan Kommunala müraciət etməlisiniz.

Bundan sonra, əraziyə və transformatora baxış keçirilir. Əgər uyğunluq təsdiqlənərsə, texniki şərt verilir və sayğac sifariş edilir. Həmçinin, enerji haqqı ilə bağlı müəyyən rüsumlar mövcuddur:

10 kVt-a qədər olan güc üçün 40 AZN/1 kVt,

10 kVt-dan çox olan güc üçün isə 60 AZN/1 kVt.

Mina Mikayılova
Milli.Az