Maraqlı

Liftlər niyə həmişə güzgülü olur? - səbəbi varmış

28 Noyabr 2025 00:47

Baxış: 198

VTB-də minimal faiz dərəcəsi ilə nağd kredit 10.49%-dən

#MARAQLI

Bu gün demək olar ki, bütün asansörlərdə gördüyümüz güzgülər əslində müasir dizayn anlayışından çox əvvəl istifadə edilməyə başlanıb. İlk dövrlərdə liftlərin yavaş işləməsi istifadəçilərdə sıxıntı yaradır, gözləmə hissini artırırdı. İstehsalçılar bu narahatlığı azaltmaq üçün insanların diqqətini yayındıracaq bir həll yolu axtarır və məhz bu məqamda güzgülər ortaya çıxır. Beləliklə, sərnişinlər həm özlərini görə bilir, həm də qısa müddətli səfər onlar üçün daha rahat keçirdi.

Güzgülər lift kabinlərinin dar məkan hissini azaldaraq klostrofobiyaya meyilli insanlar üçün rahatlaşdırıcı təsir yaradır. Məkanın olduğundan daha geniş görünməsi qapalı məkanda yarana biləcək stressi azaldır. Eyni zamanda kabin daxilində baş verənləri daha rahat görməyə imkan yaradaraq təhlükəsizlik hissini gücləndirir. Bu xüsusilə kütləvi və sıx istifadə olunan binalarda mühüm üstünlük hesab olunur.

Lift güzgüləri yalnız komfort və psixoloji rahatlıq üçün deyil, həm də praktiki istifadə baxımından önəmlidir. İstifadəçilər kabinə daxil olarkən və çıxarkən hərəkətlərini asanlıqla nəzarətdə saxlaya bilir. Əlilliyi olan şəxslər və uşaq arabası istifadə edənlər üçün isə manevr etməyi yüngülləşdirir və asansörün daha təhlükəsiz istifadə olunmasını təmin edir. Buna görə də müasir asansör dizaynlarında güzgü artıq standart avadanlıq kimi qəbul edilir.

Lalə Qüdrətova
Milli.Az