Dünya

Britaniya koronavirusdan müalicə üçün Ronapreve preparatını təsdiqləyib

20 Avqust 2021 21:45

0 Şərh Baxış: 543

VTB-də minimal faiz dərəcəsi ilə nağd kredit 10.49%-dən

Böyük Britaniyanın dərman vasitələrinə və tibbi təyinatlı məmulatlara nəzarət üzrə agentliyi koronavirusun profilaktikası və müalicəsi üçün nəzərdə tutulan Ronapreve preparatını təsdiqləyib.

Milli.Az AZƏRTAC-a istinadən bildirir ki, Roche və Regeneron kompaniyaları tərəfindən hazırlanan preparat orqanizmin infeksiyalarla mübarizə üçün hasil etdiyi təbii antiteli imitasiya edir.

Yaponiya bu ilin iyulunda Ronapreve preparatına lisenziya verən ilk ölkə olub. Laboratoriya sınaqları preparatın COVID-19 virusundan ağırlaşma və ya ölüm riskini 70 faiz azaltdığını göstərib. Ronapreve ABŞ, Hindistan, İsveçrə, Kanada və Avropa İttifaqı ölkələrində də lisenziyalaşdırılıb.

COVID-19 pandemiyasının statistikasını aparan "Worldometer" portalının bu gün səhər saatlarına olan məlumatına əsasən, dünya üzrə yoluxanların sayı 210 milyon 994 mini ötüb, 4 milyon 419 mindən çox insan həyatını itirib, sağalananların sayı isə 188 milyon 852 min nəfərdən artıqdır.

Milli.Az