Dünya

Quldurlar altı kəndə hücum etdilər: 53 sakin qətlə yetirildi

13 İyun 2021 10:09
Baxış: 1 524
VTB-də minimal faiz dərəcəsi ilə nağd kredit 10.49%-dən

Nigeriyanın şimal-qərbindəki Zamfara ştatında mal-qara oğruları altı kənddə 53 sakini öldürüblər.

Milli.Az APA-ya istinadən bildirir ki, bunu ştat polisinin nümayəndəsi Məhəmməd Şehu bildirib.

"Zurmi rayonunda altı kənd keçən cümə axşamı və cümə günü cinayətkar dəstə tərəfindən hücuma məruz qalıb və nəticədə 53 əkinçi öldürülüb. Zurmiyə əlavə polis qüvvələri göndərilib", - deyə yerli "Vanguard" qəzeti ondan sitat gətirib.

Şehunun sözlərinə görə, motosikllərlə hərəkət edən cinayətkarlar mal-qara oğurluğu ilə məşğul olurlar.

Ardıcıl ikinci ildir Nigeriyada silahlı dəstələrin mülki şəxslərə qarşı hücumlarının sayında ciddi artım müşahidə olunur. Cinayətkarlar insanları öldürür, pul qarşılığında girov götürür, mal-qara oğurlayır, sakinləri qorxudur, pul tələb edirlər. Rəsmi qurumlar geniş yayılmış cinayətin öhdəsindən gəlmək üçün xüsusi polis və ordu bölmələrindən istifadə etmək məcburiyyətində qalır.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.