Dünya

USAİD-in yeni rəhbəri Samanta Pauerin andiçmə mərasimi baş tutub

3 May 2021 23:57
Baxış: 732

ABŞ-ın Birləşmiş Millətlər Təşkilatındakı keçmiş Daimi Nümayəndəsi Samanta Pauerin Beynəlxalq İnkişaf Agentliyinin (USAID) rəhbəri vəzifəsində andiçmə mərasimi keçirilib.

Trend-in TASS-a istinadən verdiyi məlumat görə, bu barədə Ağ Evdən xəbər verilib.

Xatırladaq ki, 2003-cü ildə Pulitzer mükafatı laureatı, 50 yaşlı irlandiyalı Pauer 2013-2017-ci illərdə ABŞ-ın Birləşmiş Millətlər Təşkilatındakı Daimi Nümayəndəsi vəzifəsində çalışıb.

1961-ci ildə yaradılan USAİD ölkənin xarici yardım məsələləri sahəsində ən yüksək federal hökumət orqanıdır. Agentliyin rəhbəri və onun müavini ABŞ Senatının razılığı ilə prezident tərəfindən təyin edilir və Dövlət Departamenti ilə koordinasiyalı fəaliyyət göstərir. Agentliyin əsas fəaliyyət sahələri ticarət, kənd təsərrüfatı, səhiyyə, humanitar və iqtisadi inkişafa dəstək vermək, digər ölkələrdə münaqişələrin qarşısının alınmasında və demokratiyanın inkişafında kömək etməkdir.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.