Dünya

Avropada ictimai nəqliyyatdan koronavirusun mövcudluğunu yoxlamaq üçün nümunələr götürülür

9 Aprel 2021 20:21

Baxış: 718

VTB-də minimal faiz dərəcəsi ilə nağd kredit 10.49%-dən

#DÜNYADA #KORONAVİRUS

Avropa İttifaqı ölkələrində vaqonlardan və ictimai nəqliyyat avtomobillərindən COVID-19 virusunun mövcudluğuna dair nümunələr götürülməyə başlanıb.

Milli.Az AZƏRTAC-a istinadən bildirir ki, bu günlərdə ilk belə nümunələr Çexiya paytaxtının tramvaylarından götürülüb. Analoji tədbirlər daha sonra Budapeştdə və Brüsseldə həyata keçirilib.

Nümunələr xüsusi sistem biosensorlarının köməyi ilə götürülüb. Mütəxəssislər avtobusların, tramvayların, qatarların və metro stansiyalarının, şəhərətrafı qatarların içindən və səthindən, eləcə də həmin nəqliyyat vasitələrinin içindəki havadan nümunələr götürüblər. Seçilmiş nümunələr xüsusi testlər vasitəsilə yoxlanılır.

Bundan əlavə, sürahilərdə, tutacaqlarda, oturacaqlarda, idarəetmə düymələrində və bilet terminallarında virusun olub-olmaması yoxlanılacaq. Yaxmalar habelə nəzarət düymələrindən, liftlərdən, eskalator tutacaqlarından, pilləkənlərdən, oturacaqlardan və platformalardakı informasiya panellərindən götürüləcək.

Milli.Az