Dünya

Rusiya MN-dən sülhməramlılarla bağlı daha bir açıqlama - FOTOlar

19 Fevral 2021 13:44
Baxış: 812

Rusiya sülhməramlı kontingenti Dağlıq Qarabağ ərazisində tapşırıqları yerinə yetirməyə davam edir.

Milli.Az qafqazinfo-ya istinadən xəbər verir ki, bu barədə Rusiya Müdafiə Nazirliyinin açıqlamasında bildirilir. Qeyd olunub ki, sülhməramlılar 27 müşahidə məntəqəsində atəşkəs rejiminə əməl olunmasına nəzarət edirlər.

Atəşkəs rejiminə bütün təmas xətti boyunca əməl olunur. Bununla yanaşı Rusiya sülhməramlıları vətəndaşların daimi yaşayış yerlərinə qayıtmalarını, mülki nəqliyyat vasitələrinin hərəkətini, ərzaq və müxtəlif malların Laçın dəhlizi ilə daşınmasını təmin edirlər.

Pozuntuların və müşahidə məntəqəsinə mümkün hücumun qarşısını almaq üçün Rusiya sülhməramlı kontingentinin müşahidə məntəqələrinin heyətlərində planlı şəkildə təlimlər keçirilir.

Postların infrastrukturuna işçilər üçün rahat yaşayış yerləri, yeməklərin hazırlanması və verilməsi üçün blok-modullar, həmçinin daimi elektrik enerjisi təminatı üçün aqreqatlarla təchiz olunmuş nəqliyyat-texnoloji blok-modul daxildir.

Bütün müşahidə məntəqələri hərbi personalı atıcı silahlardan və qəlpələrdən qorumaq üçün hazırlanmış istehkamlarla təchiz olunub.

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.