Dünya

Türkiyədə məşhur yazarın məzarı 150 il sonra ortaya çıxıb

3 Yanvar 2021 18:30

Baxış: 889

VTB-də minimal faiz dərəcəsi ilə nağd kredit 10.49%-dən

#TÜRKİYƏ

Türkiyədə məşhur yazar İbrahim Şinasinin məzarı 150 il sonra ortaya çıxıb.

Milli.Az APA-ya istinadən bildirir ki, məzarlıq İstanbul Beyoğlu rayonunda "Ayaspaşa Palas" binasının altında aşkarlanıb.

Tarixçi, tədqiqatçı Mehmet Dilbaz bildirib ki, məşhur yazarın qəbrinin yeri İstanbulun tarixini və memarlıq abidələrini özündə əks etdirən xəritə, eləcə də uzunmüddətli tədqiqatlar nəticəsində müəyyənləşdirilib. Tarixçi deyib ki, XX əsrin əvvəllərinə qədər qəbiristanlıq olan çox böyük sahədə 1934-cü ildən başlayaraq məzarlar köçürülmədən yaşayış binaları tikilib.

Qeyd edək ki, Türk ədəbiyyatının önəmli isimlərindən olan, ilk türkcə özəl qəzet dərc edən İbrahim Şinasi 1871-ci ildə 45 yaşında beyin xərçəngindən vəfat edib.

Milli.Az