PUL
.jpg)
.jpg)
Cənubi Afrika Respublikasında (CAR) genetiklər ölkə üçün koronavirusun yeni növ mutasiyasını aşkar ediblər. Virus infeksiyanın ölkə ərazisində yayılmasının ikinci dalğası dövrünə aid hesab olunur.
Milli.Az APA-ya istinadən xəbər verir ki, bu barədə ölkənin Səhiyyə Nazirliyi açıqlama yayıb.
Virusun 501.V2 adlanan variantı əvvəllər qeydə alınmış digər mutasiyalardan fərqli olaraq daha sürətli yayılır. Bundan başqa, CAR-ın Səhiyyə Nazirliyinin açıqlamasına görə, 501.V2 birinci dalğa dövrü ilə müqayisədə, yanaşı xəstəlikləri olmasa da, gənc insanlar arasında daha tez-tez ağır formalı COVID-19-a səbəb olur.
Qeyd edilir ki, yeni mutasiya CAR-da ilk dəfə qeydə alınmamışdan əvvəl ona bir sıra ölkələrdə, o cümlədən Britaniya və Avstraliyada da rast gəlinib.
Ölkənin səhiyyə naziri Zveli Mhize bildirib ki, yeni növ koronavirus bir qədər narahatlıq yaratmasına baxmayaraq, əhalinin təşvişə düşməsinə ciddi səbəb yoxdur. O, maska və əlcək taxmağın, həmçinin pandemiya səbəbindən tətbiq olunan qaydalara riayət etməyin vacib olduğunu bildirib.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
.png)
.jpg)
.jpg)
