Dünya

İspaniya iqtisadiyyatı digər Avropa ölkələrinə nisbətən gec bərpa olunacaq

18 Dekabr 2020 07:35

Baxış: 613

VTB-də minimal faiz dərəcəsi ilə nağd kredit 10.49%-dən

#DÜNYADA #İSPANİYA #KORONAVİRUS

Dünyanın bütün ölkələrinin ən böyük problemlərindən biri koronavirus pandemiyasının yaratdığı iqtisadi böhrandan mümkün qədər tez çıxmaqdır.

Milli.Az AZƏRTAC-a istinadən bildirir ki, Dünya İqtisadi Forumu tərəfindən hazırlanmış qlobal rəqabətqabiliyyətliliyə dair hesabatda İspaniyanın iqtisadi aktivliyi sürətlə bərpa edə biləcək və mövcud böhranın qarşısını ala biləcək ölkələrdən biri olacağı proqnozlaşdırılır. Ekspertlərin fikrincə, İspaniya ən yüksək iqtisadi potensiala malik olan 37 ölkə arasında 20-ci yeri tutur.

Finlandiya, İsveç, Danimarka, Niderland və Çinin başçılıq etdikləri reytinq siyahısında daha sonra İrlandiya, Avstriya, Belçika, İsveçrə yer alıb.

Hesabata görə, həmin dövlətlərin iqtisadiyyatı postkoronavirus mühitinə daha tez uyğunlaşır.

Hesabatda ümumilikdə 11 meyar - vergi sistemində dəyişiklik, energetika sisteminə keçid üçün infrastruktur sisteminin təkmilləşdirilməsi, təhsil planları, rəqabətə uyğunlaşma, qocalara və uşaqlara qayğı göstərmək üçün ölkədəki imkanlar təhlil edilir.

Milli.Az