Sağlamlıq

Niyə səhər çimmək olmaz? - VİDEO

16 Dekabr 2025 06:06
Baxış: 5 926
VTB-də minimal faiz dərəcəsi ilə nağd kredit 9.9%-dən
#CƏMİYYƏT #SAĞLAMLIQ

Səhər saatlarında duş qəbul etmək sağlamlığa mənfi təsir göstərə bilər.

Milli.Az xəbər verir ki, mütəxəssislərin fikrincə, bu vərdiş hər kəs üçün uyğun deyil və fərdi xüsusiyyətlər nəzərə alınmalıdır.

Araşdırmalara görə, səhər isti su ilə duş dərinin təbii qoruyucu yağ qatını zəiflədə, quruluq və həssaslığa səbəb ola bilər. Xüsusilə quru və həssas dəriyə malik şəxslərdə bu təsir daha qabarıq müşahidə olunur.

Bundan başqa, isti duş bəzi insanlarda qan təzyiqinin düşməsinə, başgicəllənmə və halsızlıq hissinə yol aça bilər. Mütəxəssislər qeyd edirlər ki, səhər saatlarında orqanizm hələ tam aktiv fazaya keçmədiyi üçün bu cür hallar risk yarada bilər.

Həkimlər həmçinin bildirirlər ki, hər səhər saç yumaq saç dərisinin yağ balansını poza, saçların zəifləməsinə və daha tez yağlanmasına səbəb ola bilər. Soyuq fəsillərdə isə səhər duşu bədənin temperatur tarazlığını poza və soyuqdəymə riskini artıra bilər.

Duş vaxtı seçilərkən şəxsin sağlamlıq vəziyyəti, dəri tipi və gündəlik rejimi əsas götürülməlidir. Bir çox hallarda axşam saatlarında qəbul edilən duş daha təhlükəsiz və rahat alternativ hesab olunur.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.